परभणी जिल्ह्यातील ताडकळस येथील पिंगळघड नाल्यावर दाेन माल वाहतुक वाहनांच्या झालेल्या अपघातात एकाचा जागीच मृत्यू झाला. पाेलीस या घटनेचा तपास करीत आहेत. (Maharashtra News)
या अपघाताबाबत पाेलीसांकडून मिळालेल्या माहितीनूसार पूर्णा तालुक्यातील ताडकळस येथे काल रात्री नऊच्या सुमारास पूर्णा येथून ताडकळसकडे येणारे एक माल वाहतुकीचे वाहन आणि ताडकळसहून पूर्णाला जाणाऱ्या दुस-या माल वाहतुकीच्या वाहनाची समोरासमोर टक्कर झाली. ही टक्कर इतकी भीषण हाेती की दाेन्ही गाड्यांचे माेठे नुकसान झाले.
या घटनेत एका माल वाहतुकीच्या गाडीचे चालक विजय रावसाहेब मुस्तापुरे (वय 48, राहणार कोनेरवाडी तालुका पालम) यांचा जागीच मृत्यू झाला. पोलीसांनी घटनास्थळाचा पंचनामा केला आहे. या घटनेतील जखमींना परभणी येथे उपचारासाठी पाठवण्यात आले. ताडकळस पोलीस पुढील तपास करत आहेत.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.