Traffic Jam:

मुंबई-अहमदाबाद राष्ट्रीय महामार्गावर मनोर ते मेंढवन खिंड दरम्यान मोठी वाहतूक कोंडी झाली आहे. महामार्गाच्या दोन्ही बाजूने सात ते आठ किलोमीटरपर्यंत वाहनांच्या लांबच लांब रांगा लागल्या आहेत. यामुळे प्रवाशांचे मोठे हाल होत आहेत.

सध्या मुंबई-अहमदाबाद राष्ट्रीय महामार्गावर सिमेंट काँक्रीटचं काम सुरू आहे. त्यामुळे रोजच वाहतुकदार आणि प्रवाशांना येजा करताना अडचणी निर्माण होतायत. येणाऱ्या आणि जाणाऱ्या वाहनांसाठी एकच लेन असल्याने आज मोठ्या प्रमाणावर वाहतूक कोंडी झाली आहे. महामार्ग वाहतूक पोलीस आणि संबंधित ठेकेदारांचं कोणतंही नियोजन नसल्यामुळे ही समस्या रोजच वाढत चालली आहे.

सलग ३ दिवासंच्या सुट्ट्यांमुळे गर्दी

अनेक चाकरमान्यांना सलग तीन दिवसांची सुट्टी मिळाली आहे. शनिवार, रविवार आणि अयोध्या प्राणप्रतिष्ठा सोहळ्यासाठी सोमवारी सुट्टी जाहीर करण्यात आली आहे. सुट्टीमुळे अनेक नागरिक घराबाहेर पडलेत. त्यामुळे महामार्गावरील गर्दी आणखी वाढली आहे.