एकिकडे हनुमान जयंतीची जय्यत तयारी सुरू असताना, मात्र दुसरीकडे हनुमान मंदिरातच चोरीचा प्रयत्न झाला आहे. छत्रपती संभाजीनगर शहरात ११ मार्चला भावसिंगपुरा परिसरातील पाटील खोऱ्यातील चिरीखाना हनुमान मंदिरात चोरीचा प्रयत्न झाला. पुजाऱ्याकडून घटनेची माहिती मिळताच या भागातील नागरिक आणि पोलिसांनी घटनास्थळी धाव घेतली. त्यांनी मूर्तीची पुन्हा प्राणप्रतिष्ठा करून आरती केली. या घटनेची माहिती मिळताच छावणी पोलिस ठाण्यात गुन्ह्याची नोंद करण्यात आली. या घटनेनंतर परिसरातील ग्रामस्थांनी रोष व्यक्त केला आहे.

छत्रपती संभाजी नगर शहरात ११ मार्चच्या सायंकाळी सगळीकडे हनुमान जयंतीची जय्यत तयारी सुरू होती. या दरम्यान गावातील हनुमान मंदिरातच चोरीची घटना घडली. भावसिंगपुरा परिसरातील पाटील खोऱ्यातील चिरीखाना येथे हनुमान मंदिर आहे. या मंदिरातच हनुमान जयंतीच्या पुर्वसंध्येला चोरट्याकडून चोरीचा प्रयत्न झाला.

याची सर्वात आधी माहिती पुजारी यांना मिळाली. पुजाऱ्याने याची माहिती नागरिक आणि पोलिसांना दिली. पुजाऱ्याकडून घटनेची माहिती मिळताच या भागातील नागरिक आणि पोलिसांनी घटनास्थळी धाव घेतली. त्यांनी मूर्तीची पुन्हा प्राणप्रतिष्ठा करून आरती केली. छावणी पोलिस ठाण्यात या घटनेची नोंद करण्यात आली आहे.

११ मार्चला दुपारी बारा ते साडेबारादरम्यान मंदिराचे पुजारी घरी गेले होते. दुपारनंतर हा प्रकार समोर आल्याची माहिती या भागातील नागरिकांनी दिली. आज या मंदिरात मोठा उत्सव आणि महाप्रसादाचे आयोजन केले जाते. दुपारनंतर या कार्यक्रमाची तयारी सुरू असताना हा प्रकार उघडकीस आला. घडलेला प्रकार हा मूर्तीचे चांदीचे डोळे चोरण्याच्या उद्देशाने झाला असावा, असे पोलिसांच्या प्राथमिक तपासात समोर आले आहे. घटना घडताच मंदिराच्या आवारात पोलिसांचा बंदोबस्त वाढवण्यात आला आहे. घटनेची माहिती मिळताच आमदार संजय केणेकर यांनी मंदिरात भेट दिली. त्यांनी शांतता राखण्याचे आवाहन केले आहे.