-- मंगेश मोहिते

नागपूर : बाईक चोरी करण्यात पटाईत असलेला आरोपी मानकापूर पोलिसांच्या हाती लागला त्याची चौकशी करतातच एकदोन नाही तर चक्क 17 बाईक त्याच्या ताब्यातून जप्त करण्यात आल्या. त्याची चोरी करण्याची पद्धत मात्र इतर चोरांच्या तुलनेत निराळी आहे. तो जेव्हा बाईक चोरी करायला निघतो तेव्हा कपडे बदलतो. एक चोरी झाली की ड्रेस बदलून तो दुसऱ्या चोरी वर निघतो.

हे देखील पहा :

बाईक चोरी केली तो गॅरेज वाल्या कडे जातो हा गॅरेजवाला त्याचा पार्टनर आहे. हे दोघे लगेच या गाड्यांचे पार्ट काढतात आणि दुसऱ्या गाड्यांना लावून त्याची विक्री करतात. त्यांच्याकडून आता पर्यंत 17 चोरी च्या घटनांचा उलघडा झाला असला तरी आणखी काही गुन्हे पुढे येण्याची शक्यता आहे.

गेल्या काही दिवसांपासून या परिसरात मोठ्या प्रमाणात वाहनांची चोरी होत होती. त्यावरून पोलिसांनी याकडे लक्ष केंद्रित केलं आणि या आरोपीच्या मुसक्या आवळल्या आहेत. मात्र त्याची चोरी करण्याची पद्धत पाहून पोलिसही आवाक झाले.

Edited By : Krushnarav Sathe