तबरेज शेख

नाशिक - महिलांवर पाळत ठेवून रिक्षा अथवा बस प्रवासात त्यांच्या पर्समधून मौल्यवान वस्तू यांची चोरी करणारी महिला टोळी सध्या नाशिक शहरात चांगलीच सक्रिय झाली आहे. गेल्या अनेक दिवसांपासून अश्या घटनांमध्ये वाढ होऊन या महिला चोरांकडून लाखोंचे मौल्यवान वस्तू प्रवासी महिलांच्या पर्स मधून चोरल्याच्या घटना समोर आल्या आहेत. पुन्हा एकदा अशीच एक घटना नाशिकमध्ये समोर आली आहे.

चुलत भावाच्या लग्नासाठी कल्याणवरून नाशिकला आलेल्या महिलेच्या पर्स मधून 2 लाखांचे दागिने रिक्षा प्रवास करत असताना तिन अज्ञात महिला पैकी एकीने चोरल्याची तक्रार पंचवटी पोलीस ठाण्यात करण्यात देण्यात आली आहे. त्यामुळे या वाढत्या घटना पाहता महिला चोरांना पकडण्याचे मोठे आव्हान पोलिसांसमोर उभ राहिला आहे.

हे देखील पाहा -

रिक्षा आणि सिटी बसमध्ये प्रवास करणाऱ्या महिलांच्या पर्समधून सोन्याचे दागिने चोरीच्या घटना दिवसंदिवस वाढत आहे. मागच्या काही दिवसांपूर्वी मुंबई नाका पोलिसांनी दोन महिला चोरांना पकडून त्यांच्याकडून रिक्षमध्ये महिलांचे दागिने चोरीचे दोन गुन्हे उघडकीस आले आहे. असे असले तरी मात्र देखील नाशिकमध्ये रिक्षा मध्ये महिलांच्या पर्स मधून दागिने चोरीच्या घटना काही थांबत नसल्याचे दिसून येत आहे.

सद्या लग्न सराई सुरू आहे अश्या वेळी महिलांनी देखील आपल्या मौल्यवान वस्तूंची काळजी घेणं गरजेचे आहे. अनेक महिला सोन्याचे दागिने घालून लग्नात जातात. मात्र तुमच्या दागिन्यांवर महिला चोरांची नजर आहे. त्यामुळे दागिने घालून बाहेर जात असाल तर स्वताच्या दागिने सांभाळा असे आवाहन पोलिसांकडून करण्यात आले आहे.

Edited By - Shivani Tichkule