सोलापूर : सोलापुरातील बार्शी तालुक्यामधील भातांबारे गावात गोरोबा महात्मे या एस आर पी एफ जवानाने पत्नीवर चारित्र्याच्या संशयावरून करण्यात आलेल्या गोळीबारात एकजण जागीच ठार झाला आहे. तर एकावर सोलापुरातील खासगी रुग्णालयामध्ये उपचार सुरु आहेत.

हे देखील पहा-

पत्नीवर असणाऱ्या चारित्र्याच्या संशयावरून बोलण्यासाठी जवानाचे सासरचे मंडळी काल भातांबारे गावी आले होते. मात्र, बोलणं फिसकटल्यामुळे जवानाने रागाच्या भरात सरकारी पिस्तूलचे ४ राउंड फायर करण्यात आले. यामध्ये जवानाच्या मेहुण्याच्या मित्राचा जागीच मृत्यू झाला आहे. नितीन भोसकर असे मृत व्यक्तीचे नाव आहे. तर बालाजी महात्मे असे जखमी व्यक्तीचे नाव आहे.

या प्रकरणी गोरोबा महात्मे या एस आर पी एफ जवानाला वैराग पोलिसांनी रात्रीच अटक केली आहे. घटनास्थळावरून एक सरकारी पिस्तूलसह २६ जिवंत काडतूस जप्त करण्यात आली आहेत. वैराग पोलीस स्टेशनमध्ये आरोपी गोरोबा महात्मेवर भारतीय दंड संहिता कलम 302, 307, 504 आणि शस्त्र अधिनियम कलम 3, 25, 27 प्रमाणे गुन्हे दाखल करण्यात आले आहेत.

Edited By- Digambar Jadhav