Thackeray Group Campaign Hou Dya Charcha: माजी मुख्यमंत्री उद्धव ठाकरे यांनी नुकताच विदर्भ दौरा केला. या दौऱ्यात त्यांनी शिवसैनिकांना लोकांना 'होऊ द्या चर्चा' उपक्रम राबवण्याचे आवाहन केले होते. या चर्चेतून सरकारी योजना खरंच तुमच्यापर्यंत पोहोचल्या का याची चर्चा करा असे आवाहन उद्धव ठाकरे यांनी लोकांना केले होते. आता उद्धव बाळासाहेब ठाकरे पक्षाकडून या मोहिमेची सुरुवात छत्रपती संभाजीनगर येथून करण्यात येणार आहे.

शिवसेनेच्या ठाकरे गटाकडून 'होऊ द्या चर्चा' उपक्रम राबवत गावात कट्ट्यावर आणि बांधावर सरकारी योजना तुमच्यापर्यंत पोहोचल्या का याबाबत आपापसात चर्चा करण्याचे आवाहन जनतेला करण्यात आले आहे. या मोहिमेच्या माध्यामातून ठाकरे गटाकडून राज्य सरकारच्या योजनांचा भांडाफोड करण्यात येणार आहे. (Tajya Marathi Batmya)

ठाकरे गटाकडून सरकारच्या शासन आपल्या दारी योजना आणि इतर सरकारी योजनांच्या आणि आश्वासनांचा भांडाफोड करण्यासाठी 'होऊ द्या चर्चा' उपक्रम राबवला जाणार आहे. ठाकरे गटाचे आमदार, खासदार आणि महत्त्वाचे नेते या उपक्रमांतर्गत मतदारांपर्यंत पोहोचून सरकारच्या योजनांचा भांडाफोड करणार असल्याचं सांगितलं जातंय. (Latest Political News)

एकीकडे राज्य सरकार आगामी निवडणुकांच्या पार्श्वभूमीवर जनतेच्या योजना लोकांपर्यंत पोहोचवण्याच्या दृष्टिकोनातून प्रयत्न करत आहे, तर दुसरीकडे ठाकरे गट याच योजनांचा भांडाफोड मतदारांसमोर करणार आहे. पक्षप्रमुख उद्धव ठाकरे यांच्या आदेशानुसार उद्यापासून संभाजीनगरमध्ये या उपक्रमाला सुरुवात होणार आहे. यात शिवसेनेचे जेष्ठ नेते चंद्रकांत खैरे, विधान परिषदेचे विरोधी पक्षनेते अंबादास दानवे मतदारांपर्यंत पोहोचून त्यांच्याशी संवाद साधणार आहेत. (Latest Marathi News)