मावळ : महाविकास आघाडी प्रणीत ठाकरने सरकार सत्तेत आल्यापासून केवळ भ्रष्टाचार करण्याचे काम केले असल्याचा आरोप भाजप नेते किरीट सोमय्या यांनी केला आहे. कोरोना काळात योग्य नियोजन करण्यात हे सरकार अयशस्वी ठरले आहे. आताही कोणत्याच प्रकारचे नियोजन सरकार करत नसल्याचे दिसून येत आहे. त्यामुळे रोज नवीन निर्णय घेऊन ते रद्द करण्याचे काम सध्या ठाकरे सरकारकडून सुरू असल्याचा आरोप सोमय्या यांनी मावळ येथे आयोजित पत्रकार परिषदेत केला आहे.

हे देखील पहा -

मावळात सुरू असलेल्या बेकायदा गौण खनिज उत्खनन प्रकरणाची चौकशी व्हावी - किरीट सोमय्या

मावळ तालुक्यात मोठ्या प्रमाणात सुरू असलेल्या गौण खनिज उत्खननाची प्रत्यक्ष पाहणी आज भाजपा नेते किरीट सोमय्या यांनी केली आहे. मावळ मधील आंबळी गावाशेजारीच असलेल्या धरणापासून 100 फूट अंतरावर गौण खनिज उत्खनन होत असून अवैधरित्या होणारे हे उत्खनन मावळचे राष्ट्रवादीचे आमदार सुनील शेळके यांची कंपनी करत असल्याचा आरोप देखील त्यांनी यावेळी केला.

या उत्खननाची प्रत्यक्ष पाहणी करून किरीट सोमय्या यांनी मावळचे तहसीलदार मधुसूदन बर्गे यांची भेट घेतली. मावळ तालुक्यात सुरू असलेल्या अवैध गौण खनिज उत्खननाची माहिती घेऊन दोषींवर कडक कारवाई करण्याची मागणी त्यांनी तहसीलदारांकडे केली आहे. या उत्खननाबाबत किरीट सोमय्या यांनी केंद्रीय पर्यावरण मंत्री अश्विनी कुमार चौबे यांच्याकडे तक्रार दाखल केली असून त्यांच्याकडे देखील याप्रकरणाची चौकशीची मागणी केली आहे.

Edited By : Krushnarav Sathe