- विनायक वंजारे

सिंधुदुर्ग : सिंधुदुर्ग (sindhudurg) जिल्ह्यात चोरट्यांनी धुमाकूळ घातला असून सलग दुसऱ्या दिवशी चोरट्यांनी कणकवली-तळेरे (kankavali) येथे मध्यरात्रीच्या सुमारास धाडसी चोरी करत तब्बल दहा दुकाने फोडली आहेत. यात चोरट्यांनी चार लाख पन्नास हजार रूपयांची रोकड लंपास केली आहे. (sindhudurg latest marathi news)

शनिवारी चोरट्यांनी कणकवलीच्या बाजुला असलेल्या वैभववाडी तालुक्यात सात दुकानांसह दोन घरे फोडली होती. यात वैभववाडी (vaibhavwadi) तहसीलदारांच्या शासकीय बंगल्याचा ही समावेश होता.

तर रविवारी चोरट्यांनी तब्बल दहा दुकाने फोडून जबरी चोरी केली आहे. सलग दुसर्‍या दिवशी बाजारपेठेत घडलेल्या चोरींच्या घटनांमुळे खळबळ उडाली असून व्यापारी व नागरिकांमध्ये भीतीचे वातावरण आहे. चोरीची घटना सीसीटीव्हीत कैद झाली असून पोलीसांसमोर (police) चोरट्यांना पकडण्याचे मोठे आव्हान निर्माण झाले आहे.

Edited By : Siddharth Latkar