Nagar Latest Marathi News : सोन्याच्या कपात चहा...आश्चर्य वाटतंय ना...हाेय हे खरं आहे. नगर जिल्ह्याच्या पारनेर तालुक्यात प्रेमाचा चहा मिळतोय ताे ही आता सोन्याच्या कपात. या साेन्याच्या कपाची चर्चा संपुर्ण नगर जिल्ह्यात हाेऊ लागली आहे. विशेष म्हणजे आर्मी आणि महाराष्ट्र पोलीस यांच्यासाठी चहाविक्रेते १२ महिने मोफत चहा देतात.

सकाळ झाली की प्रत्येकाला हवा असतो तो चहा...चहा हा प्रत्येकाचा तसा आवडता विषय. दिवसभरात एक तर कप चहा होतोच. पण हाच चहा जर खऱ्या खुऱ्या सोन्याच्या कपात मिळाला तर. पारनेर (parner) तालुक्यातील स्वप्नील पुजारी यांनी आपल्या दुकानात सोन्याच्या कपातून ग्राहकांना चहा देण्याची सुविधा सुरू केली. सहा लाख रुपये खर्चून त्यांनी दोन सोन्याचे कप बनविले आहेत.

स्वप्नील यांना सोनं (gold) आणि चहा या दाेन गाेष्टी खूप प्रिय आहेत. दोन वर्षापासून त्यांची सामान्य माणसाला सोन्याच्या कपातून चहा द्यावा अशी इच्छा हाेती. त्यांनी ही कल्पना सत्यात उतरवली.

Edited By : Siddharth Latkar