सांगली : सांगली (sangli) जिल्ह्यात मांजरडे, हातनुर, जाखापुर, कुचीसह अन्य काही भागात गारपीट झाली आहे. या गारपिटीमुळे छाटणी केलेल्या द्राक्ष बागांच्या काड्याचे नुकसान झाले आहे. काही ठिकाणी काड्या फुटल्या आहेत. या फुटलेल्या काड्यांना गर्भधारणा होत नाही. गर्भधारणा न झाल्यामुळे द्राक्ष लागत नाहीत. त्यामुळे द्राक्ष उत्पादक शेतकऱ्यांचे शंभर टक्के नुकसान होते. त्यामुळे छाटणी झालेल्या द्राक्षबागांवर गारपीट झालेल्या परिसरात पंचनामे करून त्यांना नुकसान भरपाई द्यावी त्यासाठी कृषी विभागाला आणि तलाठ्यांना (talathi) तातडीने पंचनाम्याचे आदेश द्यावेत अशी मागणी स्वाभिमानीचे (swabhimani shetkari sanghatana) जिल्हाध्यक्ष महेश खराडे यांनी केली आहे. (Swabhimani shetkari sanghtana News Updates)

याशिवाय पलूस येलावी परिसरातील अनेक शेतकऱ्यांच्या (farmers) द्राक्ष बागेत अद्याप द्राक्षे आहेत. या शेतकऱ्यांचे देखील नुकसान झाले आहे. त्यामुळे अशा द्राक्ष बागांचेही पंचनामे आवश्यक आहे.

तसेच झालेले नुकसान द्राक्ष पीक विमा उतरलेल्या शेतकऱ्यांना मिळत नाही कारण सध्याच्या पीक विमा योजनेचा कालावधी मार्च पर्यंत असतो आणि जरी विमा योजनेच्या आठ महिन्यांच्या कालावधीत द्राक्ष बागेचे नुकसान झाले तरी शेतकऱ्यांना नुकसान भरपाई मिळत नाही कारण पीक विमा योजनेचे निकष कंपनी हिताचे आहेत. शेतकरी हिताचे नाहीत त्यामुळे पीक विमा योजना सक्षम करण्याची गरज आहे असे मत महेश खराडे यांनी नमूद केले.

Edited By : Siddharth Latkar