सातारा : साताऱ्यातील खटाव तालुक्यातील जवान सूरज प्रताप शेळके (वय २४) यांचे ह्रदयविकाराच्या झटक्याने निधन झाले आहे. लेह-लडाख येथे कर्तव्य बजावत असताना सूरज यांना वीरमरण आले आहे. लष्करात सेवा बजावत असताना त्यांना वीरमरण आल्याने सर्वत्र हळहळ व्यक्त केली जात आहे. (Satara Marathi News)

वीर जवान सुरज हे ७ मार्च रोजी सुट्टी संपवून लेह येथे पुन्हा लष्करी सेवेत रुजू झाले होते. ४ वर्षांपूर्वी आटलरी-१४१ फिल्ड रेजिमेंटमध्ये ते भरती झाले होते. लष्करात भरती होऊन त्यांनी ४ वर्ष देशसेवा केली. मात्र वयाच्या २४ व्या वर्षी त्यांना देशसेवा करताना वीरमरण आलं. (Satara Khatav Latest News)

दरम्यान, सूरज यांच्या पश्चात आईवडील आणि भाऊ असा परिवार आहे. सूरज यांचे पार्थिव आज संध्याकाळी उशिरापर्यंत त्यांच्या खटाव या मूळ गावी आणण्यात येणार आहे. सूरज यांच्या निधनाने शेळके कुटुंबावर आणि खटाव गावावर शोककळा पसरली आहे.