दुहेरी हत्याकांडामुळे शिर्डीतील वाढती गुन्हेगारी चर्चेचा विषय झाली होती... अशातच आता पुन्हा एकदा स्थानिक स्वराज्य संस्थांच्या निवडणुकीत सुजय विखेंनी साई संस्थेच्या प्रसादालयाबाबत अजब विधान केलयं... लापशी आणि घुगऱ्या हा खरा प्रसाद असतो... पोळी, भात, वरण मिठाई हे जेवण आहे..असं विधान करत विखेंनी थेट शिर्डीच्या गुन्हेगारीवर बोट ठेवताना मंदिरातल्या प्रसादलयाला त्यासाठी जबाबदार ठरवलंय...विखे काय म्हणाले ऐका...

मुळात रात्री दारू पिऊन लोक प्रसाद खायला जातात, साईभक्त म्हणून फिरणारे साईभक्त नाहीत... हे विखेंना सुचवायचं होतं... मात्र शिर्डीतील गुन्हेगार साई मंदिरातील जेवण जेवतात आणि बाहेर गुन्हेगारी करतात... अस विखेंनी थेट सांगितलयं...त्यामुळे विखेंच्या या विधानानं नव्या वादाला तोंड फुटलयं....नजर टाकूया शिर्डीतल्या वाढत्या गुन्हेगारीवर

गेल्या वर्षभरात दुचाकी चोरी, चैनस्नॅचिंग, पाकिटमारी, भाविकांची आर्थिक फसवणूक अशा घटनांमध्ये शिर्डीत वाढ झालीय...पाकिटमारीसाठी लहान मुलांचाही मोठ्या प्रमाणात वापर गुन्हेगारी टोळ्याकडून केला जातोय..यात दुसऱ्या जिल्ह्यातील आणि बाहेर राज्यातील गुन्हेगारही शिर्डीत आश्रयला आलेत शिर्डीतील भिकाऱ्यांची संख्याही 150 ते 200 च्या वर पोहचलीय..

सुजय विखे पाटलांनी याआधीही शिर्डीतील साईबाबा मंदिरातील मोफत जेवण बंद करून तो पैसा मुलांच्या भवितव्यासाठी, शिक्षणासाठी वापरावा, असं विधान केलं होतं... त्यावेळी विरोधकांनी विखेंच्या विधानावर चांगलीच टीका केली होती... अशातच आता विखेंनी प्रसादाला जेवण म्हणून या साईबाबांच्या प्रसादाचा संबंध थेट गुन्हेगारीशी जोडल्यानं साई संस्थान नेमकं काय भूमिका घेतं... हे पाहणं महत्त्वाचं आहे... मात्र विखेंनी केलेल्या विधानाकडे केवळ श्रध्देच्या भावनेने न बघता त्यांचा सल्ला सबुरीने घेणं गरजेचं आहे...