नांदेडमध्ये एका शेतकऱ्याने औषधी मिरचीचे उत्पादन घेतले आहे. या मिरचीच्या शेतीतून शेतकरी प्रति एकर ३ ते ४ लाख रुपये कमवत आहे. औषधी मिरचीच्या शेतीसाठी त्यांनी एका कंपनीशी करार केला आहे. ही कंपनी त्यांच्याकडून २२५०० रुपयांना मिरची खऱेदी करते. शेतकऱ्याला या मिरचीतून प्रति एकर ३ लाख रुपये नफा होत आहे.

नांदेडमधील नागोराव बेंद्रे या शेतकऱ्याने ही शेती केलेली आहे. त्यांनी एकूण १५ एकरमध्ये मिरचीची शेती केली आहे. गेल्या अनेक वर्षांपासून ते ही शेती करत आहेत. या औषधी मिरचीच्या शेतीसाठी त्यांना बियाणे हे कंपनी पुरवते. शेतकरी या बियाणांची लागवड करतात.

साधारणपणे सोयाबीनची लागवड झाल्यानंतर ऑक्टोबर महिन्यात या मिरच्यांची लागवड केली जाते.यामध्ये प्रति एकर ३ ते ४ क्विंटल मिरचीचे उत्पादन घेतले जाते.यासाठी जवळपास १ ते सव्वा लाख रुपये खर्च येतो. मशागतीपासून, फवारणी, तोडणी यासाठी हा खर्च येतो. जर एक एकरमधून ३ लाखांचा नफा असेल तर १५ एकरमधून ते ४५ लाख रुपये कमावतात.

नांदेडमध्ये सध्या औषधी मिरचीच्या उत्पादनाकडे शेतकऱ्यांचा कल वाढलाय. नांदेडच्या देगांव गावातील शेतकऱ्याने कंपनीसोबत करार करत सुमारे पंधरा एकर क्षेत्रावर या औषधी मिरचीचे उत्पादन घेतलंय. बावीस हजार पाचशे रुपये प्रति क्विंटल दराने ही मिरची खरेदी करण्याचा करार औषधी कंपनीसोबत झालेला आहे.

एकरी पंधरा ते विस क्विंटल इतकं उत्पादन या मिरचीचे निघत असते. त्यातून उत्पादन खर्च काढला तरी प्रति एकर तीन लाखांचा नफा होतो असे या शेतकऱ्यांने सांगितले. औषधी कंपन्यांशी रीतसर करार करून शेतकऱ्यांनी हा प्रयोग करायला हवे असे या शेतकऱ्यांने सांगितले.