भारत देश हा खूप प्रगत देश आहे. सर्वाधिक तरुणाई असलेल्या देशात अनेकांनी वेगवेगळ्या क्षेत्रात वेगळं स्थान निर्माण केलं आहे. भारताने सैन्यापासून ते अंतराळापर्यंत सर्व ठिकाणी आपली वेगळी ओळख निर्माण केली आहे. भारताने मंगळावरही आपला झेंडा रोवला आहे. याचं श्रेय आपल्या शास्त्रज्ञांना जाते. शास्त्रज्ञ होण्याचे अनेकांचे स्वप्न असते. असंच स्वप्न कोल्हापुरच्या रोहित लक्ष्मण पाटील याने पाहिलं होतं. त्याने ते स्वप्न पूर्णदेखील केलं. (Success Story)

कोल्हापूरच्या मालवे येथील राहणाऱ्या रोहित पाटील याने यशाला गवसणी घातली आहे. त्याच्या घरची परिस्थिती बिकट होती. परंतु मनात जिद्द होती. त्याने मेहनतीच्या जोरावर सर्व अडचणींवर मात केली. रोहितच्या आईवडिलांनी खूप कष्ट करुन त्यांना शिकवलं. त्यांने मोठा अधिकारी व्हावा, असं त्याच्या आईवडिलांना वाटत होतं. रोहितनेदेखील खूप जिद्दीने अभ्यास केला. रोहितने गारगोटीच्या आयसीआरई कॉलेजमधून मेकॅनिकलमधून इंजिनियरिंग डिप्लोमा केला. (Success Story Of Rohit Patil)

रोहितने शरद इन्स्टिट्यूट ऑफ टेक्नोलॉजीमधून डिग्री पूर्ण केली. त्यानंतर त्याची ऑइल आणि नॅचरल गॅस या कंपनीत असिस्टंट इंजिनियर म्हणून निवड झाली. त्यानंतर त्याने इस्त्रोची परीक्षा दिली. पहिल्या प्रयत्नात त्याला अपयश आले परंतु त्याने पुन्हा प्रयत्न केले. त्याची इस्त्रोमध्ये शास्त्रज्ञ म्हणून निवड झाली.

शेतकरी कुटुंबातील रोहितनं परिस्थिती बेताची असताना, एकदा अपयश आलं असताना कष्ट करत थेट शास्त्रज्ञ पदाला गवसणी घातल्याने त्याच्यावर जिल्ह्यातून कौतुकाचा वर्षाव होत आहे. दरम्यान अंतकरणात सत्य, अतोनात कष्ट करण्याची तयारी आणि देवावर नितांत श्रद्धा असल्यास यश निश्चित मिळतं अशी प्रतिक्रिया रोहित पाटील यांनी दिलीयं.