Satara News : सातारा जिल्ह्यात राज्य परिवहन महामंडळाची सेवा विस्कळीत झाल्याचे पुन्हा एकदा समाेर आले आहे. क-हाड तालुक्यानंतर आता खटाव तालुक्यातील विद्यार्थी नियमीत बस सेवेसाठी आक्रमक झाले आहेत. औंध येथील शाळेतील मुलींनी रात्री नऊच्या सुमारास बस स्थानकाच्या दारात बसून धरणे आंदाेलन छेडले. (Maharashtra News)

औंध येथील शाळा सुटल्यानंतर दररोज मुले आणि मुली एसटी महामंडळाच्या बसने आपल्या आपल्या गावी जातात. साेमवारी सायंकाळी ५ पासुन रात्री ९ पर्यंत विद्यार्थ्यांना बस उपलब्ध हाेऊ शकली नाही. त्यामुळे चार तास विद्यार्थ्यांना बसची प्रतिक्षेत थांबावे लागले.

दूसरीकडे विद्यार्थ्यांचे पालक देखील चिंतेत पडले. चार तास थांबूनही बस न आल्याने छाेट्या छाेट्या विद्यार्थ्यांनी आंदाेलनाचा पवित्रा घेतला. सर्वांनी मिळून रात्री 9 च्या सुमारास बस स्थानकाच्या दारात ठिय्या मांडला.

लहान लहान पाेरं रस्त्यावर बसल्य़ाने बस स्थानकात एकच गाेंधळ उडाला. अखेरीस एसटी महामंडळाचे काही अधिकारी घटनास्थळी दाखल झाले. त्यांनी मुलांची क्षमा मागत उद्यापासून (मंगळवार) विद्यार्थ्यांची गैरसोय हाेणार नाही अशी हमी देत आंदाेलक विद्यार्थ्यांसाठी बस उपलब्ध करुन दिली.

Edited By : Siddharth Latkar