अमरावती : अमरावतीत राज्य महामंडळाची बस (एसटी बस) रस्त्याच्या बाजूला असलेल्या खोल नाल्यात कोसळल्याची घटना समोर आली आले. बस चालकाचं नियंत्रण सुटल्याने अपघात झाल्याची प्राथमिक माहिती समोर येत आहे. अपघातात एक दुचाकी चालक आणि बस ड्रायव्हर जखमी झाले असून त्यांच्या शासकीय रुग्णालयात उपचार सुरु आहेत. (Latest News Update)

अपघातग्रस्त बस भंडाऱ्याहून अमरावती जिल्ह्यातील परतवाडाकडे निघाली होती. भंडाऱ्याहून निघाल्यानंतर बस अमरावती जिल्ह्यातील रिंग रोड रहाटगाव येथील नाल्यात जाऊन आदळली. समोरून येणाऱ्या दुचाकीला वाचवण्याच्या प्रयत्नात ड्रायव्हरचे संतुलन बिघडल्याने ही एसटी बस नाल्यात जाऊन आढळली. (Bus Accident)

या घटनेमुळे काही काळ या रस्त्यावरील वाहतूक ठप्प झाली होती. बसमध्ये किमान 30 ते 35 प्रवासी असल्याची माहिती मिळाली असून यात ड्रायव्हरला दुखापत झाला आहे. तर दुचाकी चालक गंभीर जखमी असून त्याच्यावर जिल्हा सामान्य रुग्णालय उपचार सुरू आहे. इतर प्रवासी सुदैवाने सुखरूप आहेत.