दहावी-बारावीचे विद्यार्थी आता निकालाची वाट बघत आहे. दहावी- बारावीच्या निकालाची संभाव्य तारीखदेखील समोर आलेली आहे. बारावीचा निकाल मे महिन्याच्या पहिल्या आठवड्यात लागण्याची शक्यता आहे. तर त्यानंतर लगेच दुसऱ्या आठवड्यात दहावीचा निकाल लागू शकतो. परंतु याबाबत अधिकृत माहिती अद्याप समोर आलेली नाही.

महाराष्ट्र माध्यमिक व उच्च माध्यमिक शिक्षण मंडळाने याबाबत माहिती दिली होती.दहावी-बारावीच्या सर्व प्रश्नपत्रिका तपासून झालेल्या आहेत. त्यामुळे लवकरच हा निकाल जाहीर होणार आहे. काही वेबसाइटनुसार, दहावीचा निकाल १५ मे २०२५ तर बारावीचा निकाल ६ मे २०२५ रोजी लागू शकतो.

दहावी-बारावीचा निकाल कुठे अन् कसा पाहाल? (How To Check HSC SSC Result)

तुम्ही ऑनलाइन पद्धतीने अधिकृत वेबसाइटवर जाऊन निकाल पाहू शकतात.

https://www.mahahsscboard.in/mr

https://mahresult.nic.in/

https://sscresult.mkcl.org/

https://hscresult.org/

या चार वेबसाइटवरुन तुम्ही तुमचा निकाल पाहू शकतात. यातील काही वेबसाइट निकालाच्या दिवशी ओपन होतील. त्यावर जाऊन निकाल पाहू शकतात.

दहावी-बारावीचा निकाल पाहण्यासाठी स्टेप बाय स्टेप प्रोसेस (SSC HSC Result Online Process)

सर्वप्रथम तुम्हाला महाराष्ट्र बोर्डाच्या अधिकृत वेबसाइटवर जायचे आहे. https://mahresult.nic.in/ या साइटवर क्लिक करायचे आहे.

यानंतर तुम्हाला दहावी की बारावी हा पर्याय निवडायचा आहे.

यानंतर तुम्हाला तुमचा रोल नंबर टाकायचा आहे. यानंतर आईचे नाव लिहायचे आहे.

यानंतर रिझल्ट बटणवर क्लिक करायचे आहे.

यानंतर तुम्हाला ई-मार्कशीट डाउनलोड करण्याचा पर्याय दिसेल.

या मार्कशीटची प्रिंट आउट काढून तुम्ही तुमच्याजवळ ठेवू शकता.

दहावी-बारावीची मार्कशीट कशी डाउनलोड करायची? (How To Download SSC HSC Marksheet)

दहावी-बारावीची मार्कशीट तुम्ही ऑनलाइन पद्धतीने डाउनलोड करु शकतात. डिजिलॉकर या अॅपवरुन तुम्ही मार्कशीट डाउनलोड करु शकतात. सर्वप्रथम तुम्हाला डिजिलॉकरवर अपार आयडी रजिस्टर करायचा आहे. त्यानंतर तुम्हाला SSC Result हे सर्च करायचे आहे. त्यानंतर तुम्हाला तुमचा रोल नंबर टाकायचा आहे. यानंतर तुम्हाला मार्कशीट ओपन होईल. हे तुम्ही डाउनलोड करु शकतात.