Parbhani Police Accident

परभणी जिल्ह्यातून भीषण अपघाताची घटना समोर आली आहे. भरधाव वेगात असलेल्या स्कॉर्पिओने समोरुन येणाऱ्या दुचाकीला जोरदार धडक दिली. या भीषण अपघातात पोलीस निरीक्षकाचा जागीच मृत्यू झाला. ही दुर्देवी घटना भारसावडा गावानजीक रविवारी सायंकाळी ७ वाजेच्या सुमारास घडली. या घटनेनं परिसरातून हळहळ व्यक्त होत आहे.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

प्रभाकर गवारे, असं अपघातात मृत्युमुखी पडलेल्या पोलीस उपनिरीक्षकाचं नाव आहे. या भीषण अपघाताचा व्हिडिओ देखील समोर आला आहे. अपघातानंतर स्कार्पिओ कार देखील आगीत जळून खाक झाली आहे. मिळालेल्या माहितीनुसार, प्रभाकर गवारे हे सोनपेठ पोलीस ठाण्यात कार्यरत होते. (Latest Marathi News)

रविवारी सायंकाळी ते कर्तव्य बजावून दुचाकीवरून मानवत येथील (Parbhani News) घरी जात होते. दरम्यान, भारसवाडा जवळील पोखर्णी ते पाथरी रोडवर सायंकाळी ७ वाजेच्या सुमारास भरधाव स्कार्पिओने गवारे यांच्या दुचाकीला जोरदार धडक दिली.

अपघात इतका भीषण होता, की यात गवारे यांची दुचाकी लांबपर्यंत फरफटत गेली. यातच स्कार्पिओने देखील पेट घेतला. गाडीतील चालक व प्रवाशांनी वेळीच बाहेर पडल्याने पुढील अनर्थ टळला. दरम्यान, अपघाताची माहिती मिळताच पोलिसांनी तातडीने घटनास्थळी धाव घेतली.

रात्री उशिरापर्यंत गुन्हा दाखल करण्याची प्रक्रिया सुरू होती. कर्तव्य बजावून घरी परतणाऱ्या गवारे यांच्यावर अचानक काळाने घाला घातल्याने परिसरातून मोठी हळहळ व्यक्त होत आहे. या घटनेचा पुढील तपास पोलीस करीत आहेत.

Edited by - Satish Daud-Patil