नाशिक - बिहारमधील नेपाळच्या सीमेलगत बिरपूर याठिकाणी शुक्रवारी (21 जानेवारी) मोठी दुर्घटना घडली आहे. या दुर्घटनेत एकूण तीन जवानांचा वीरमरण आले आहे. या घटनेत अन्य 10 जवान गंभीर जखमी असून त्यांच्यावर उपचार सुरु आहेत. नेपाळच्या सीमेवर घडलेल्या या दुर्घटनेत नाशिकमधील (Nashik) बोलठाण येथील एका जवानाला वीरमरण आले आहे. या घटनेची माहिती समोर येताच गावात सर्वत्र शोककळा पसरली आहे. (Soldier From Nashik Died)

हे देखील पहा -

अमोल हिंमतराव पाटील असं मृत जवानाचं नाव आहे. अमोल हे नांदगाव तालुक्यातील बोलठाण येथील रहिवासी होते. मृत अमोल यांची सहा वर्षांपूर्वी सशस्त्र सीमा दलात निवड झाली होती. ते बिहार नेपाळ येथील सुपौलच्या बिरपूर सीमेवर कार्यरत होते. दरम्यान शुक्रवारी सशस्त्र सीमा बलाच्या 45 व्या बटालियनच्या कॅम्पमध्ये प्रशिक्षणार्थी सैनिकांचं प्रशिक्षण सुरू होतं. यावेळी 11 केव्ही उच्चदाब प्रवाहाच्या तारेचा धक्का लागून मोठी दुर्घटना घडली आणि यामध्ये 3 जवानांचा मृत्यू झाला आहे. तर अन्य 10 जवान गंभीर जखमी आहेत.

दरम्यन, अमोल हे अलीकडेच दिवाळीसाठी आपल्या गावी आले होते. त्यानंतर त्यांना एक मुलगी झाली. त्यानंतर ते आपल्या आईसह पत्नी आणि मुलीला आपल्या सोबत घेऊन गेले होते. पण शुक्रवारी घडलेल्या दुर्घटनेत त्यांना वीरमरण आलं आहे.

Edited By - Shivani Tichkule