सोशल मीडिया हे खूप प्रभावी माध्यम आहे.फेसबुक आणि इन्स्टाग्रामवर नेहमी फोटो-रिल्स शेअर करत असतात. परंतु हेच रिल्स बनवणे एखाद्याचे आयुष्य जगण्याचे कारण असेल तर... याच रिल्समुळे एका मुलीला आयुष्य अजून उत्तम पद्धतीने जगण्याची प्रेरणा मिळाली आहे. सोलापूरातील एका जोडप्याने आपल्या निस्वार्थ प्रेमाची कहाणी रिल्सच्या माध्यमातून लोकांपर्यंत पोहचवली आहे. त्यांच्या या गोष्टीवर साउथमध्ये नवीन चित्रपटदेखील तयार करण्यात आला आहे. (Solapur Couple Story)

सोलापूरचे हे कपल फक्त फेमस होण्यासाठी रिल्स बनवत नाही. तर हे तरुणीच्या आनंदाचे कारण बनले आहे. अंजलीबाई या नावाने सोशल मीडियावर फेमस असणाऱ्या रिलस्टारची कथा आता मोठ्या पडद्यावर पाहता येणार आहे.

सोलापूरातील अंजली आणि आकाश नारायणकर हे कपल खूप प्रसिद्ध आहे. हे दोघेही खूप आधीपासून रिल्स बनवतात. या दोघांची लोकप्रियता खूप होती. मात्र, यांच्या प्रेमाला कोणाची तरी नजर लागावी अन् अख्खं आयुष्यचं उद्धवस्त व्हावं, असा संघर्ष त्यांच्या वाट्याला आला. (Solapur Couple Anjali and Narayan Lovestory Movie)

अंजली आणि आकाशचे लग्न झाले. त्यानंतरही ते सोशल मीडियावर रिल्स बनवत होते.परंतु काही दिवसातच अंजलीला ब्रेन ट्यूमरचं निदान झालं. त्यानंतर त्यांचा संसार कोलमडला. परंतु नारायणने हार मानली नाही. अंजलीला आधार दिला.

अंजलीची सर्जरीदेखील झाली. मात्र, तिला एका बाजूने अर्धांगवायूचा झटका आला. तिची उजवी बाजू पूर्णपणे पॅरेलिसिस झाली. परंतु तरीही पती नारायणने त्याला भक्कम साथ दिली. या काळात अंजलीला आनंद मिळावा म्हणून त्याने रिल्स बनवायला सुरुवात केली. तिचा रुग्णालयातील प्रवास सोशल मीडियाच्या माध्यमातून लोकांपर्यंत पोहचवला.

आकाश आणि अंजलीचे रिल्स सोशल मीडियावर तुफान व्हायरल होत असतात. त्यांच्या या रिल्सची दखल चित्रपट निर्माते कुमार यांनी घेतली. त्यांनी या दोघांच्या आयुष्यावर लव्ह यू मुड्डू नावाचा चित्रपट बनवला आहे. हा चित्रपट येत्या ७ नोव्हेंबर रोजी प्रदर्शित होणार आहे.