'भिडे गुरुजींनी महिलांबद्दल वादग्रस्त बोलू नये. नाहीतर आम्ही त्यांच्या मिशा कापू.', असा इशारा सोलापुरातील वर्ल्ड ऑफ वूमन्स या महिला संघटनेच्या अध्यक्षा विद्या लोलगे यांनी दिला आहे. नुकताच भिडे गुरुजी यांनी वटपौर्णिमेच्या निमित्ताने महिलांबद्दल वादग्रस्त वक्तव्य केले होते. त्यांच्या या वक्तव्यावरून सोलापुरातील महिला संघटना आक्रमक झाल्या आहेत. 'भिडे गुरुजी यांनी महिलांच्या वाटेला जाऊ नये, हे खूप अति होत असून आता ऐकवलं जातं नाही. भिडे गुरुजी हे कोण आहेत की आम्ही काय करावे आणि काय करू नये हे सांगणारे, ते आमचं घर चालवत नाहीत. यापुढे त्यांनी असे वादग्रस्त वक्तव्य केलं तर त्यांचे पेहराव असणाऱ्या धोतरावर आम्ही बोलू शकतो. त्यांनी वाढवलेल्या मिशा ही आम्हाला कापाव्या लागतील.', असा इशारा विद्या लोलगे यांनी दिला आहे.