सोलापूर : जातीच्या दाखल्यांसाठी महादेव कोळी समाज आक्रमक झाला आहे. समाजाला जातीचे दाखले (Solapur) न दिल्यास कार्तिकी यात्रेसाठी उपमुख्यमंत्र्याला (Kartiki Yatra) पंढरपुरात पाय ठेवू देणार नाही. असा इशारा महादेव कोळी समाजाच्यावतीने देण्यात आला आहे. (Breaking Marathi News)

सोलापुरात जिल्हाधिकार्‍यांना महादेव कोळी समाजाच्या वतीने जातीच्या दाखले देण्याबाबत निवेदन देण्यात आले. या निवेदनाद्वारे कोळी समाजाने येत्या कार्तिकी यात्रेला पंढरपुरात विठ्ठलाची महापूजा करू देणार नसल्याचा इशारा दिला आहे. 

दोन महिन्यांमध्ये जातीचे दाखले देऊ म्हणणारे, देवेंद्र फडणवीस नऊ वर्ष झाले सत्तेत आहेत. मात्र अद्याप महादेव कोळी समाजाला जातीचे दाखले दिले जात नाही.असा आरोपही महादेव कोळी समजाकडून करण्यात आलेला आहे. या विरोधात आता महादेव कोळी समाज आक्रमक झाला असून येत्या कार्तिकी यात्रेला पंढरपुरात विठ्ठलाची महापूजा करण्यास येणाऱ्या उपमुख्यमंत्र्याला रोखण्याचा इशारा सोलापुरात महादेव कोळी समजाकडून देण्यात आला आहे.