सोलापूर : शाळेची (school) वेळ सकाळी १० ते सायंकाळी साडे पाचपर्यंत असते, शनिवारी सकाळी आठ वाजता शाळा भरते. मात्र, शिक्षक (teachers) वेळेवर येत नसल्याने विद्यार्थ्यांची (student) पंचाईत होते. या पार्श्वभूमीवर आता सर्व शिक्षकांनी शाळा भरण्यापूर्वी अर्धा तास अगोदर शाळेत उपस्थित राहणे बंधनकारक करण्यात आले आहे. याबाबतचा आदेश सोलापूर जिल्हा प्राथमिक शिक्षणाधिकारी किरण लोहार यांनी काढला आहे. (solapur latest marathi news)

सोलापूर जिल्हा प्राथमिक शिक्षणाधिकारी किरण लोहार (kiran lohar) यांनी काढलेल्या आदेशात जे शिक्षक वेळेवर येणार नाहीत, त्यांना त्या दिवशीचा पगार मिळणार नाही अशी स्वरुपाची कठाेर कारवाई केली जाईल असे म्हटले आहे.

शाळेच्या वेळेत दुरून येणाऱ्या शिक्षकांना पोचता येत नसल्यास २४ जून २०१६ च्या शासन निर्णयाप्रमाणे त्यांनी मुख्यालयाच्या ठिकाणी राहावे असा नियम असल्याचे लाेहार यांनी स्पष्ट केले. मात्र परगावाहून येणारे बहुतेक शिक्षक गावात (village) राहातच नाहीत. गेल्या वेळेस अनेक शिक्षकांनी मुख्यालयात राहात असल्याचे प्रमाणपत्र दिले पण प्रत्यक्षातील वस्तुस्थिती वेगळीच होती. आता मुख्यालयाच्या ठिकाणी राहण्याची सक्ती केली जाणार नाही, पण वेळेत शाळेत न येणाऱ्या शिक्षकांना त्या दिवसाचा पगार मिळणार नाही. मोहोळ तालुक्यातील पेनूर (penur) येथे जिल्हा परिषदेच्या दोन शाळांमध्ये शनिवारी १६ शिक्षक शाळा भरल्यानंतर आले हाेते. याबाबतची माहिती शिक्षणाधिकारी लाेहार यांच्यापर्यंत पाेहचली. त्यानंतर शिक्षणाधिकारी लाेहार यांनी नवा आदेश काढला.

Edited By : Siddharth Latkar