विश्वभूषण लिमये

सोलापूर -सोलापूर Solapur पोलीस आयुक्तालयातील सहाय्यक पोलीस आयुक्त Assistant Commissioner of Police सुहास भोसले यांचा जिममध्ये Gym व्यायाम करताना हृदयविकाराचा झटका Heart attack येऊन आज सकाळी त्यांचा मृत्यू झाला आहे.

हे देखील पहा-

सुहास भोसले Suhas Bhosale हे नेहमीप्रमाणे आज सकाळी जिम मध्ये व्यायाम करीत होते. ते सुरुवातीला चक्कर येऊन खाली पडले, त्यानंतरही त्यांनी जिम चालूच ठेवली. काही वेळाने त्यांना हृदयविकाराचा दुसरा झटका आला, त्यावेळी जिम ट्रेनरने त्यांना छातीला पंपिंग करण्याचा प्रयत्न केला आणि तात्काळ हॉस्पिटलला पाठवले. मात्र, उपचार करण्याकपूर्वीच त्यांचा मृत्यू झाल्याचे डॉक्टरांनी सांगितले.

एका चांगल्या पोलीस अधिकाऱ्याचा अचानक झालेल्या मृत्यूने सोलापूर पोलिसांना मोठा धक्का बसला आहे. सुहास भोसले हे जेलरोड पोलीस ठाण्यात विभागीय सहाय्यक पोलीस आयुक्त म्हणून कार्यरत होते. 1 एप्रिल 2021 रोजी अमरावतीहून सोलापुरात ते कामावर रुजू झाले होते. मृत्यू समयी त्यांचे वय 56 होते. त्यांच्या पश्चात आई,पत्नी,एक मुलगा आणि एक मुलगी असा परिवार आहे.

Edited By-Sanika Gade