लातूर - एका व्यक्तीला आतापर्यंत एक दोन वेळा नाही तर तब्बल 500 पेक्षा जास्त वेळा सापाने (Snake) चावा घेतला आहे. विशेष बाब म्हणजे गर्दी असतानाही साप त्यालाच चावून जातोय. त्यामुळे या व्यक्तीवर उपचार करणारे डॉक्टर (Doctor) देखील आता हैराण झाले आहेत. अनिल तुकाराम गायकवाड असे या व्यक्तीचे नाव आहे. अनिल शेतमजूर म्हणून काम करत आपल्या कुटुंबाचा सांभाळ करतो. शेतात काम करताना अनेकदा सापाने चावा घेतला आहे.

हे देखील पहा -

शहरात अनेक माणसांच्या गर्दीत कार्यक्रमात असताना लोकांना नाही पण त्याला साप चावून जातो हे विशेष. गेल्या 10 ते 15 वर्षाच्या काळात 500 पेक्षा जास्तवेळा सापाने चावा घेतला आहे. अनेकदा प्रकृती खालावली की ICU मध्ये सुद्धा दाखल करावं लागलं डॉ सच्चिदानंद रणदिवे यांच्या मार्गदर्शनाखाली अनेकवेळा उपचार घेतला आहे. स्वतः अनिल गायकवाड यांना सुद्धा आश्चर्य वाटतं की इतरांना नाही पण त्यालाच गर्दीत असताना देखील साप का चावतो.

अनिल गायकवाड याच्यावर आजपर्यंत डॉ. सच्चिदानंद रणदिवे यांनी 150 पेक्षा जास्त वेळा उपचार केले आहेत. डॉ. रणदिवे औसा इथं ग्रामीण रुग्णालयात वैद्यकीय अधिकारी म्हणून गेल्या पाच वर्षांपासून नोकरी करत आहेत. त्याच्या नोकरीच्या काळात त्यांनी अनिल गायकवाड याच्यावर 150 पेक्षा वेळा उपचार केले आहेत.