फडणवीस सरकार सत्तेत आल्यापासून पोलिस प्रशासनामध्ये अनेक मोठे बदल होताना दिसत आहेत. गेल्या काही दिवसांपासून सरकारकडून राज्यातील आयपीएस आणि आयएएस अधिकाऱ्यांच्या बदल्यांचे सत्र सुरूच आहे. आता राज्याच्या पोलिस प्रशासनात पुन्हा बदल झाले आहेत. राज्यातील ६ बड्या आयपीएस अधिकाऱ्यांच्या बदल्या करण्यात आल्या आहेत.
मुंबई लोहमार्ग विभागाचे आयुक्त रवींद्र शिसवे यांची राज्याच्या गुप्त वार्ता विभागात सह आयुक्त म्हणून बदली करण्यात आली आहे. रवींद्र शिसवे यांच्यासह राज्यातील इतर सहा बड्या अधिकाऱ्यांच्या देखील बदल्या करण्यात आल्या आहेत. यामध्ये अमरावतीचे पोलिस आयुक्त एन डी रेड्डी यांचा देखील समावेश आहे. यासोबत, आयपीएस अधिकारी, शारदा वसंद निकम, सुप्रिया पाटील यादव, निसार तांबोळी, राजीव जैन आणि अभिषेक त्रिमुखे यांची देखील बदली करण्यात आली आहे.
अमरावतीचे पोलिस आयुक्त एन डी रेड्डी यांची नागपूर येथे सह पोलिस आयुक्त म्हणून बदली करण्यात आली. निकम शारदा वसंत यांची अमली पदार्थविरोधी टास्क फोर्सच्या विशेष पोलिस महानिरीक्षक पदी नियुक्ती करण्यात आली. सुप्रिया पाटील यादव यांची विशेष पोलिस महानिरीक्षक (आस्थापना) या ठिकाणी बदली करण्यात आली.
तर, निसार तांबोळी यांची राज्य राखीव पोलिस बल नागपूर येथे विशेष पोलिस महानिरीक्षक म्हणून बदली करण्यात आली. राजीव जैन यांची सागरी विभागाच्या विशेष पोलिस महानिरीक्षक म्हणून बदली करण्यात आली. तर अभिषेक त्रिमुखे यांची विशेष पोलिस महानिरीक्षक (प्रशासन) म्हणून बदली करण्यात आली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.