सांगली : सांगली जिल्ह्यातील नागेवाडी येथील ग्रामदैवत श्री नागनाथ देवाच्या यात्रेतील (shri nagnath yatra) खास वैशिष्ट्य असलेली लाकडी बगाड (bagad) पळविण्याचा कार्यक्रम रविवारी उत्साहात संपन्न झाला. कोरोनाचा प्रादुर्भाव वाढू नये यासाठी लावण्यात आलेले निर्बंध उठवल्यानंतर बगाड पाहण्यासाठी भाविकांनी मोठी गर्दी केली होती. (bagad latest marathi news)

खानापूर तालुक्यातील नागेवाडी येथील ग्रामदैवत नागनाथ देवाच्या यात्रे निमित्त गुडीपाढव्यापासून (gudi padva) ह्या यात्रेस प्रारंभ हाेताे. ही यात्रा चार दिवस चालते. या यात्रेचे वैशिष्ट्य म्हणजे लाकडी बगाड पळविण्याच्या कार्यक्रम. यामध्ये एकूण सात बगाड असून बैलाच्या सहाय्याने बगाड पळविण्यात येतात आणि मंदिराला प्रदक्षिणा घालतात.

हे बगाड पूर्णपणे लाकडी असून केवळ त्याची दोन चाके दगडी असतात. बगाड बांधणी करताना दोरीला कोठेही गाठ दिली जात. या बगडाचे मानकरी हे बारा बलुतेदार असून प्रत्येक समाजाला वेगवेगळा मान आहे. यादव समाजाचा मान बगाड बांधणीचा आहे तर तेली समाजाचा मान हा बगाडाला वंगण घालण्याचा. सर्व जाती धर्माचे लोक आणि भाविक भक्तिभावाने या नागनाथ यात्रेस येतात. बागड पाहण्यासाठी सांगली, कोल्हापूर , सातारासह पश्चिम महाराष्ट्र आणि इतर राज्यातील भाविकांनी गर्दी केली हाेती.

Edited By : Siddharth Latkar