- हरीश माेटघरे

Gondia News :

गोंदियातील शासकीय बाई गंगाबाई महिला रुग्णालयात भविष्यात रक्ताचा तुटवडा भासू नये यासाठी खासदार सुनील मेंढे (mp sunil mendhe) यांनी वैद्यकीय अधिकाऱ्यांना रक्तदान कॅम्प घ्यावेत अशी सूचना केली. नागरिक रक्तदान करण्यासाठी पुढाकार घेतात तुम्ही सर्व लाेकप्रतिनिधींना देखील आवाहन करा ते देखील कॅम्पसाठी पुढाकार घेतील असेही मेढें यांनी नमूद केले. दरम्यान हा संवाद साधताना खासदार मेंढेंनी वैद्यकीय अधिका-यांना झापल्याचे एका व्हिडीओतून समाेर आले आहे. (Maharashtra News)

गोंदियाच्या शासकीय बाई गंगाबाई महिला रुग्णालयात निर्माण झालेल्या रक्ताच्या तुटवड्याने महिला रुग्णांचा होणारा त्रास पाहता भंडारा-गोंदियाचे भाजप खासदार सुनील मेंढे वैद्यकीय अधिकाऱ्यांवर चांगलेच संतापले हाेते.

गोंदियात बाई गंगाबाई हा एकमेव स्त्री रुग्णालय असुन छत्तीसगड आणि मध्यप्रदेश राज्यातून मोठ्या प्रमाणात रुग्ण या ठिकाणी येत असतात. त्यामुळे रक्ताचा तुटवडा असल्याने रुग्णांना त्रास सहन करावा लागत असल्याने खासदारांनी गोंदिया येथील वैद्यकीय अधिकाऱ्यांना फोन लावत याप्रकाराचा जाब विचारला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

भविष्यात रक्ताचा तुटवडा भासू नये म्हणून आवश्यक त्या उपाययोजना करण्याच्या सूचना खासदारांनी केल्या. खासदार मेंढे यांचा वैद्यकीय अधिकाऱ्यांसोबत संभाषणाचा व्हिडीओ सध्या सर्वत्र व्हायरल हाेत आहे. यामध्ये खासदार सुनील मेंढे हे वैद्यकीय अधिष्ठाता कुसुमाकर घोरपडे यांना कधी समाजवून सांगत हाेते तर कधी त्यांना झापत असल्याचे दिसून आले.

Edited By : Siddharth Latkar