पाणीपुरीच नाव जरी घेतल तरी अनेकांच्या तोंडाला पाणी सुटतं.त्यातही जर तुम्ही चटकदार आणि खंमंग पाणीपुरी म्हटलं की प्रत्येकाला एकदा जाऊन पाणीपुरी खाऊ असं होत. मात्र सोशल मीडियावर पाणीपुरी खाणाऱ्या खवय्यांसाठी एक धक्कादायक व्हिडिओ व्हायरल झालेला आहे. ज्यात पाणीपुरीसोबत आपल्याला देण्यात येणाऱ्या पाण्यात चक्क जिवंत अळ्या आढळून आल्याचा लातूरचा व्हिडिओ सध्या व्हायरल होत आहे.

पाणीपुरीच्या पाण्यात आढळून अळ्या(larvae) असल्याचा व्हिडिओ अनेकांना फेक असल्याचे वाटेल मात्र हा सर्व प्रकार लातूरमधून खरा असल्याचे समोर आले आहे. लातूर शहरातील गांधी चौकातील एक नामांकित स्वीट होममधील हा प्रकार आहे,जो एका ग्राहकाने उघडकीस आणला आहे.

ग्राहकाला हा प्रकार दिसताच त्याने मोबाईलमध्ये (mobile)सर्व कैद केला आहे.. पाणीपुरी सोबत देण्यात येणाऱ्या पाण्यात जिवंत आळी निघाल्याने शहरातील खवय्यांमध्ये एकच खळबळ उडाली आहे.तर हा व्हिडिओ सध्या लातूरमध्ये सोशल मीडियावर प्रचंड व्हायरल होतोय.मात्र अद्याप नागरिकांच्या जीवाशी खेळणाऱ्या या पाणीपुरी विक्रेत्यावर कुठलीही कारवाई झालेली नाही.

व्हिडिओत काय?

व्हायरल होत असलेला व्हिडिओ लातूरमधील एका स्वीट होमधील आहे. व्हायरल होत असलेल्या व्हिडिओत तुम्हाला पाणीपुरी सोबत देण्यात येणारे पाणीपुरीचे पाणी एका भांड्यात दिसून येत आहे. तुम्ही या भांड्यात असलेल्या पाणीपुरीच्या पाण्यात नीट पाहिले तर एक अळी दिसून येत आहे. धक्कादायक म्हणजे ही अळी जिंवत असल्याचे दिसते. सर्व व्हिडिओ कॅमेऱ्यात कैद होताना दिसून येत आहे.

याआधीही असे प्रकार...

सोशल मीडियावर याआधीही पाणीपुरी(panipuri)संबंधीत घडलेले प्रकार आपण पाहिले आहेत. लहानापासून ते मोठ्यापर्यंत सर्वांना आवडणाऱ्या पाणीपुरीसंबंधित असे व्हिडिओ आल्यास अनेक प्रश्न उपस्थित होतात. मात्र सध्या आरोग्यासंबंधित गोष्टी आणि स्वच्छतेकडे अनेक खाद्य पदार्थांचे दुकान दुर्लक्ष करतात. अशा घटना घडल्यानंतर सरकारी यंत्रणा असो किंवा पाणीपुरी खाण्यारे नागरिक काही कालावधीसाठी जागे होतात मात्र यानंतरही असे प्रकार पुन्हा होताना दिसून येतात.