सचिन बनसोडे, साम टीव्ही

शिर्डीत गुन्हेगारी सुरुच असल्याचं पाहायला मिळत आहे. शिर्डीत दोन मित्रांनी वादानंतर एकमेकांवर धारदार शस्त्रांनी सपासप वार केल्याची घटना घडली आहे. शिर्डीत गणेशवाडीत परिसरात हा गुन्हा घडला आहे. दोन्ही मित्रांनी केलेल्या हल्ल्यात दोघेही जखमी झाले आहेत.

मिळालेल्या माहितीनुसार, शिर्डीत दोन मित्रांमध्ये वादाची ठिणगी पडली. त्यानंतर दोन मित्रांमध्ये शाब्दिक वाद झाला. शाब्दिक वादाचे रुपांतर जीवघेण्यात हल्ल्यात झाले. या हल्ल्यात दोघेही जखमी झाले. शिर्डीत गणेशवाडी परिसरात घडलेल्या घटनेने एकच खळबळ उडाली आहे.

शिर्डीच्या गणेशवाडीतील साई त्रिभुवन आणि आशिष जाधव या दोन मित्रांचा किरकोळ वाद झाला. दोघांमधील वाद इतका टोकाला गेला की, दोघांनी एकमेकांवर धारदार शस्त्रांनी वार केले. या जीवघेण्यात हल्ल्यात दोघेही जखमी झाले. त्यानंतर दोघांना तातडीने जवळच्या रुग्णालयात दाखल करण्यात आलं.

शिर्डीतील साई संस्थानच्या सुपर स्पेशालिटी रुग्णालयात दाखल करण्यात आल्याची माहिती पोलीसही पोहोचले. पोलिसांनी तातडीने दोघांचेही जबाब नोंदवण्याचे काम सुरु केले. दोन मित्रांमधील किरकोळ वादाचे रुपांतर थेट जीवघेण्या हल्ल्यात झाल्याने शिर्डीत खळबळ उडाली आहे. शिर्डीतील वाढत्या गुन्हेगारीला आळा घालण्याचे पोलिसांसमोर मोठं आव्हान उभं ठाकलं आहे.

दरम्यान, शिर्डीत काही दिवसांपूर्वी एका भाजी विक्रेत्यावर धारदार शस्त्राने प्राणघातक हल्ला झाल्याची घटना घडली होती. या हल्ल्याप्रकरणी पोलिसांनी तीन संशयित आरोपींना ताब्यात घेतलं होतं. सादिक शेख असे हल्ला झालेल्या तरुणाचं नाव होतं.