शनिशिंगणापूरमधून एक धक्कादायक घटना समोर आली आहे. शनिशिंगणापूर देवस्थानचे माजी विश्वस्त आणि सध्याचे उप कार्यकारी अधिकारी नितीन शेटे यांनी सोमवारी सकाळी आपल्या राहत्या घरी छताला गळफास घेऊन आत्महत्या केली. ही घटना सकाळी उघडकीस आल्यानंतर संपूर्ण परिसरात खळबळ उडाली असून गावात शोककळा पसरली आहे. दरम्यान, त्यांनी आत्महत्या का केली? अद्याप कारण अस्पष्ट आहे. पोलिसांकडून पुढील तपास सुरू आहे.

पोलिसांकडून मिळालेल्या प्राथमिक माहितीनुसार, नितीन शेटे हे शनिशिंगणापूर देवस्थानचे माजी विश्वस्त आणि सध्याचे उप कार्यकारी अधिकारी होते. त्यांचा सोमवारी सकाळी राहत्या घराच्या छताला लटकलेल्या अवस्थेत मृतदेह आढळला. त्यांनी आत्महत्या केली. याची माहिती गावात पसरताच खळबळ उडाली.

ग्रामस्थांनी तातडीने पोलिसांना याची माहिती दिली. पोलिसांनी घटनास्थळी धाव घेत मृतदेह ताब्यात घेतलं. तसेच शवविच्छेदनासाठी रूग्णालयात पाठवलं. दरम्यान, शेटे यांच्या आत्महत्या करण्यामागचं कारण अस्पष्ट आहे. त्यांनी आत्महत्या का केली? हत्या आहे की आत्महत्या? याचा तपास पोलिसांकडून सुरू आहे.

या घटनेमुळे शनिशिंगणापूर गावात शोककळा पसरली आहे. तपास पूर्ण झाल्यावरच आत्महत्येचे नेमके कारण स्पष्ट होईल, असं पोलिसांनी सांगितलं. सध्या पोलिसांकडून पुढील तपास सुरू आहे.