सुशांत सावंत -

मुंबई: शिवसेनेच्या नेतेपदी वर्णी लागल्यानंतर शिवसेना ठाकरे गटाचे खासदार अरविंद सावंत (Arvind Sawant) यांनी बाळासाहेब ठाकरे यांच्या स्मृतीस्थळाचं दर्शन घेतलं त्यानंतर माध्यमांशी सवांद साधला यावेळी बोलतना त्यांनी बंडखोरांवर निशाणा साधला.

सावंत म्हणाले, 'आज हिंदुहृदयसम्राट बाळासाहेब ठाकरे यांचा आशीर्वाद घेतला, आमचं पहिलं कर्तव्य ते आहे. बाळासाहेबांनी (Balasaheb Thackeray) या एका दगडाला आकार आणि उकार दिला, एक शिवसैनिक आजपासून नेता हे एक फलित मला मिळालेला आहे.

आज बाळासाहेबांच्याकडे मी आशीर्वाद मागितला, माझी नेतेपदी नियुक्ती झालेली आहे कारण सध्या शिवसेना ही एका वेगळ्या परिस्थितीवर काम करत आहे. सध्या लोकशाही धोक्यात आहे आणि लोकशाहीवर हल्ले सुरू आहेत.

पाहा व्हिडीओ -

मात्र, गद्दारांविरोधात काम करण्यासाठी, जो एक कडवट शिवसैनिक आहे तो तसाच उभा आहे. शिवाजी पार्कमध्ये न्यायाची आणि मराठी माणसाच्या अस्तित्वाची लढाईला सुरुवात झाली. इथूनच जवळ असलेल्या शिवाजी पार्कच्या परिसरामध्ये बाळासाहेबांनी शिवसेनेची स्थापनेला सुरुवात केली.

याच ठिकाणाहून हिंदुत्वाच्या रक्षणाचा अंगार पुरवला गेला, हिंदुत्वाच्या आणि सर्व जाती-धर्मांच्या लोकांना एकत्र करण्याचे काम बाळासाहेब ठाकरे यांनी केलं. याच ठिकाणी काही विरोधकांनी देखील इथेच विरोध केलेला आहे.

बाळासाहेब ठाकरे यांनी शिवसेना पक्षप्रमुख उद्धव ठाकरे आणि युवा सेना पक्षप्रमुख आदित्य ठाकरे यांनी महाराष्ट्राच्या जनतेला अर्पण केले होते. इथून पुढे उद्धव ठाकरे आणि आदित्य ठाकरे यांना सांभाळा असा आव्हान देखील याच शिवाजी पार्कच्या मैदानातून बाळासाहेबांनी केलं होतं. मी सध्या नेता झालो आहे तरी एक शिवसैनिक म्हणूनच काम करणार आहे असं अरविंद सावंत म्हणाले.

न्यायालयामध्ये या सरकारवर सध्या टांगती तलवार आहे. त्यांनी जनतेचा विचार करण्याआधी स्वतःचा विचार करणे गरजेचे आहे अशी टीका अरविंद सावंत यांनी केली. तर गेल्या ५५ वर्षांपासून हे मैदान शिवसेना गाजवते असंही ते म्हणाले.

Edited By - Jagdish Patil