जितेश कोळी

रत्नागिरी : चिपळूण-संगमेश्वर विधानसभा मतदार संघातून मोठी बातमी समोर आली आहे. या मतदार संघाचे शिवसेनेचे माजी आमदार सदानंद चव्हाण (Sadanand chavan) लवकरच मुख्यमंत्री एकनाथ शिंदे (Eknath Shinde) यांच्या उपस्थितीत त्यांच्या गटात प्रवेश करणार आहेत. याबाबतची घोषणा चव्हाण यांनी आज पत्रकार परिषदेत केली. शिवसेना पक्षप्रमुख उद्धव ठाकरे यांनी आपल्याला कधीही भेटीसाठी वेळ दिला नाही, अशी नाराजी चव्हाण यांनी व्यक्त केली. (Eknath Shinde group latest news update)

चिपळूण-संगमेश्वर विधानसभा संघाचे शिवसेनेचे माजी आमदार सदानंद चव्हाण यांच्या भूमिकेमुळं राजकीय वर्तुळात खळबळ माजली आहे. एकीकडे उद्धव ठाकरे आणि एकनाथ शिंदे यांच्यात राजकीय घमासान सुरु असताना आता चव्हाण यांनी राजकीय भूकंप केला आहे. माझा पराभव झाल्यानंतर शिवसेना पक्षप्रमुख उद्धव ठाकरे यांनी कधीही भेटीसाठी वेळ दिला नाही.

येत्या १५ दिवसात मुख्यमंत्री एकनाथ शिंदे कोकण दौऱ्यावर येणार आहेत. त्यावेळी मी शिंदे गटात प्रवेश करणार आहे, असं चव्हाण पत्रकार परिषदेत म्हणाले. चव्हाण शिंदे गटात सामील झाल्यावर शिंदे गटाला रत्नागिरी जिल्ह्यात बळकटी मिळणार आहे.

Edited By - Naresh Shende