Satara News : सातारा शहरात क्राईम वाढत आहे. काेयता घेऊन दहशत पसरविणे, गाेळीबार सारख्या घटना घडत आहेत. त्यामुळे सातारा पाेलिस दलाने गुन्हेगारी माेडीत काढण्यासाठी कडक आणि ठाेस पावले उचलावीत असे आमदार शिवेंद्रसिंहराजे भाेसले (Shivendraraje Bhosale) यांनी नमूद केले. केवळ साताराच नव्हे तर जिल्ह्यातील गुन्हेगारांना वचक बसला पाहिजे अशी कृती पाेलिस (police) दलाने करावी ही अपेक्षा राजेंनी व्यक्त केली आहे.

सातारा शहरात गणेशाेत्सव, नवरात्राेत्सव कालावधीत तसेच गेल्या महिन्यात गुन्हेगारीचे प्रमाण वाढले आहे. युवा वर्ग भांडण, मारामारी, खंडणी सारख्या प्रकाराकडे आकर्षित हाेत असल्याचे चित्र आहे. गेल्या दाेन दिवसांत सातारा (satara) शहरात काेयत्याने मारहाण करणे, गाेळीबार सारखे प्रकार घडले आहेत. (Maharashtra News)

याबाबत आमदार शिवेंद्रसिंहराजे भाेसले म्हणाले काही वर्षांपुर्वी प्रतापसिंहनगर येथील गुंड दत्ता जाधव याच्यामुळे बांधकाम व्यावसायिकांमध्ये कमालीची दहशत पसरली हाेती. त्याचा पाेलिसांनी नंतर बंदाेबस्त केला. तशाच प्रकारची कारवाई पाेलिस दलाने करणे आवश्यक बनले आहे. सर्वसामान्य जनतेला हाेणारा त्रास थांबण्यासाठी पाेलिसांनी कठाेर भुमिका घ्यावी. अन्यथा परिस्थिती हाताबाहेर जाऊ शकते अशी भिती राजेंनी व्यक्त केली.

Edited By : Siddharth Latkar