सुशील थोरात, अहिल्यानगर प्रतिनिधी

Ahilyanagar Kiran Kale, rape case : अहिल्यानगरमधून एक खळबळजनक बातमी समोर आली आहे. उद्धव ठाकरे यांच्या शिवसेना पक्षाचे शहर प्रमुखावर बलात्काराचा गुन्हा नोंदवला गेला आहे. संपर्क कार्यलयातच बलात्कार झाल्याची तक्रार महिलेने केली. महिलेच्या फिर्यादीवरून 1860 चे कलम 376(1) 504,506 प्रमाणे गुन्हा दाखल करण्यात आला आहे. अहिल्यानगरमध्ये ठाकरेंच्या शिवसेनाला हा मोठा हादरा मानला जात आहे. आधीच पक्षात गळती सुरू असताना शहर प्रमुखावर गंभीर गुन्हा दाखल झाला आहे. पोलिसांनी आरोपीला अटक केली असून चौकशी करण्यात येत आहे. (Rape case against Uddhav Thackeray’s Shiv Sena leader Kiran Kale in Ahilyanagar)

अहिल्यानगर शहर शिवसेना उद्धव बाळासाहेब ठाकरे पक्षाचे शहर प्रमुख किरण गुलाबराव काळे यांच्या विरोधात बलात्काराचा गुन्हा दाखल करण्यात आला आहे. नगर शहरातील कोतवाली पोलीस ठाण्यात एकवीस वर्षीय विवाहित महिलेने गुन्हा दाखल केला. पीडित महिलेच्या फिर्यादीवरून 1860 चे कलम 376(1) 504,506 प्रमाणे गुन्हा दाखल करण्यात आला. पीडित महिला आणि तिचा पती यांच्यात सतत होणारे वाद आणि त्यातून मदत मिळण्याकरिता पीडिता आणि शहर प्रमुख किरण काळे संपर्कात आले होते. (Ahilyanagar police arrest UBT Shiv Sena leader over rape allegations)

पीडित महिलेला मदत करण्याचे आमिष दाखवून शिवसेना उद्धव बाळासाहेब ठाकरे गटाचे शहर प्रमुख किरण काळे यांनी बलात्कार केला. 2023 ते 2024 पर्यंत किरण काळे याने स्वतःच्या संपर्क कार्यालयात बलात्कार केला. तसेच ही गोष्ट कोणाला कळली तर जीवे मारण्याची धमकी किरण काळेकडून देण्यात येत होती. कोतवाली पोलिसांनी शिवसेना उद्धव बाळासाहेब ठाकरे पक्षाच्या शहर प्रमुख किरण काळे यांना ताब्यात घेतले. किरण काळे यांची पोलिसांकडून चौकशी करण्यात येत आहे.