विधानसभा अध्यक्ष राहुल नार्वेकर यांनी शिवसेना आमदार अपात्र प्रकरणावर गुरुवारी सुनावणी घेतली. या सुनावणीत शिंदे आणि ठाकरे गटाकडून जोरदार युक्तीवाद करण्यात आला. यावेळी दोन्ही गटाच्या वकिलांमध्ये जोरदार बाचबाची देखील झाली. शिंदे गटाकडून पुरावे सादर करण्यासाठी आणखी १४ दिवसांचा वेळ वाढवून मागण्यात आला. यावर ठाकरे गटाने आक्षेप घेतला होता. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
विशेष म्हणजे या सुनावणीत ठाकरे गटाच्या (Uddhav Thackeray) वकिलांनी विधानसभा अध्यक्ष राहुल नार्वेकर यांनाच उद्देशून युक्तिवाद केला. सर्वोच्च न्यायालयाने दिलेल्या निर्देशानुसार आमदार अपात्र प्रकरणात नव्याने पुरावे सादर करण्याची गरज नाही, असं म्हणत ठाकरे गटाच्या वकिलांनी आक्रमक पवित्रा घेतला होता.
निर्णय घेताना पार्टी कुणाची आहे हे ठरवण्याचा अधिकार विधानसभा अध्यक्षांना नाही, असं ठाकरे गटाच्या वकिलांनी म्हटलं. यावर बोलताना मी कुणाचे ऐकायचे आहे. सुप्रीम कोर्टाचे ऐकायचे की स्वतःच्या अधिकारात निर्णय घ्यायचा? असा सवाल विधानसभा अध्यक्ष राहुल नार्वेकर यांनी केला.
दरम्यान, ठाकरे गटाचे वकील बोलत असताना शिंदे गटाच्या (Eknath Shinde) वकिलांकडून आरोप खोडून काढण्याचा प्रयत्न करण्यात आला. उद्धव ठाकरे यांच्या पक्षप्रमुख नियुक्तीवर शिंदे गटाच्या वकिलांनी आक्षेप घेतला. २१ जून २०१८ रोजी झालेल्या कार्यकारणी बैठकीत ही निवड झाल्याचे सांगितले जात असले तरी त्यादिवशी अशी कुठलीही बैठक झाली नव्हती, असा दावा शिंदे गटाच्या वकिलांनी केला.
विधानसभा अध्यक्षांसमोर सुरू असलेल्या या सुनावणीत दोन्ही गटाच्या वकिलांमध्ये शाब्दिक चकमक सुद्धा झाली. ठाकरे गटाचे वकिल युक्तीवाद करत असताना शिंदे गटाच्या वकिलांनी खाली बसून कमेंट केली. यावर ठाकरे गटाने आक्षेप घेतला. यावरुन दोघांमध्ये बाचाबाची देखील झाली. यावेळी विधानसभा अध्यक्षांनी दोन्ही गटाच्या वकिलांना ताकीद दिली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.