Maval Crime News : मावळ तालुक्यात गाव गुंडांनी चक्क यात्रेत गोळीबार केल्याची घटना घडली. या गाव गुंडांनी थेट हवेत गोळीबार केल्याने एकच खळबळ उडाली हाेती. ही घटना चांदखेडच्या यात्रेत घडली. या प्रकरणी पाेलिसांनी एकास अटक (arrest) केली आहे. (Breaking Marathi News)

पाेलिसांनी दिलेल्या माहितीनूसार यात्रेत दहशत निर्माण करण्याच्या हेतुने एकाने चांदखेडच्या यात्रेत (yatra) हवेत गाेळीबार केल्याची घटना समजल्यावर तातडीने पाेलिस पथक घटनास्थळी पाेचले. या परिसरातील सीसीटीव्ही यंत्रणेच्या माध्यमातून तपास केला.

त्याआधारे अविनाश गोठे या ताब्यात घेतले. त्याची चाैकशी करुन त्यास अटक केली. गाेठे याच्या चाैकशीत आणखी काही जणांचा या गुन्ह्याशी संबंध असल्याची माहिती पाेलिसांनी मिळाली हाेती.

त्यानंतर शिरगाव पोलिसांनी आणखी तिघांना ताब्यात घेतले. या घटनेत गाेठेसह चाैघांना अटक केल्याची माहिती पाेलिसांनी (police) दिली. गुन्हेगारी पार्श्वभूमीच्या गोठेला यात्रेत दहशत निर्माण करायची असल्याने त्याने हा गोळीबार केल्याची माहिती पोलिसांनी दिली. दरम्यान चांदखेड यात्रेतील गाेळीबारच्या घटनेचा व्हिडीओ समाज माध्यमातून व्हायरल हाेऊ लागला आहे. या घटनेतील संशयितांना अटक केली असून ग्रामस्थांनी निर्भयपणे यात्रेत सहभागी व्हावे असे आवाहन पाेलिसांनी केले आहे.

Edited By : Siddharth Latkar