- माेबीन खान

शिर्डी : शिर्डी (shirdi) शहरानजीक असलेल्या कोपरगाव तालुक्यातील पोहेगाव येथे आज (गुरुवार) गाेळीबार केल्याची घटना घडली आहे. कौटुंबिक वादातून हा गोळीबार झाला आहे प्राथमिक माहिती मिळाली आहे. यामध्ये दिराने भावजयावर गोळीबार केला. (shirdi breaking news)

सुनीता भालेराव (sunita bhalerao) या गोळीबारात जखमी झाल्या आहेत. त्यांच्यावर त्यांचे दीर विशाल भालेराव (vishal bhalerao) यांनी गाेळीबार केला. या घटनेनंतर विशाल हे घटनास्थळावरुन पळून गेले.

या घटनेची माहिती समजताच शिर्डी पोलीस घटनास्थळी दाखल झाले. पाेलीसांनी भालेराव कुटुंबातील सदस्यांची चौकशी केली. त्यानंतर काही जणांना चाैकशीसाठी ताब्यात घेतले. हा गोळीबार कौटुंबिक वादातून झाल्याची प्राथमिक माहिती पाेलीसांनी दिली आहे. धाक दाखवण्याच्या प्रयत्नात विशाल भालेराव याने गोळीबार केल्याचे पाेलीसांनी सांगितले. या घटनेत जखमी झालेल्या सुनीता भालेराव यांना लोणी येथील रुग्णालयात दाखल करण्यात आले.

Edited By : Siddharth Latkar