सचिन बनसोडे

शिर्डी : शिर्डी नगरपरिषद सौरऊर्जेमुळे विजेच्या बाबतीत आता स्वयंपूर्ण झाली आहे. शिर्डी (Shirdi) नगरपरीषदेला मिळालेल्या विविध पुरस्काराच्या रकमेतून हजारो (Solar Energy) सौरऊर्जा पॅनल बसवण्यात आले आहेत. यातून मिळणा-या विजेतून नगरपरीषदेला येणारे लाखो रूपयांचे बिल आता ८० टक्‍के कमी होणार आहे. (Live Marathi News)

महावितरणकडून वीज पुरवठा असल्‍याने शिर्डी नगरपरिषदेला महिन्याला साधारण १५ लाख रुपये तर वर्षाकाठी पावणे दोन कोटी रुपये विजबिल येते. यामुळे मोठी रक्‍कम वीज बिलात जात असते. यावर पर्याय म्‍हणून महापालिकेने सौर प्रकल्‍प उभारणी केली आहे. यामुळे आता यातील ८० टक्के रक्कमेची बचत होणार असल्याने इतर विकासकामांसाठी ही रक्कम वापरता येणार आहे.

दोन वर्ष तांत्रिक अडचण

शिर्डीतील पाणीपुरवठा तलाव, नगरपरीषद इमारतीसह विविध ठिकाणी बसविण्यात आले सौरऊर्जा प्रकल्प दोन वर्षांच्या तांत्रीक अडचणीनंतर आता सुरू झाले आहेत. याचा आढावा घेतलाय आणि मुख्याधिकारी काकासाहेब डोईफोडे यांनी सदर माहिती दिली आहे.