अमरावती : विदर्भाचा काश्मीर म्हणून ओळख असलेल्या चिखलदऱ्यात पावसाळ्यामध्ये धुक्याची चादर ही पडतच असते. परंतु मागील पंधरा ते वीस दिवसांपासून राज्यभरात पावसाने दडी मारली होती त्यातच चिखलदाऱ्यामध्ये पाऊस गायब झाला होता.

हे देखील पहा -

त्यामुळे मागील पंधरा दिवसांपासून येथे येणाऱ्या पर्यटकांना धुके पाहायला मिळाले नाही. परंतु, आज पुन्हा चिखलदऱ्यामध्ये तब्बल पंधरा दिवसांनंतर धुक्याची चादर पसरल्याचे चित्र पाहायला मिळाले. त्यामुळे पर्यटकांमध्ये आनंदाचे वातावरण होते.

मागील महिनाभरात पडलेल्या दमदार पावसामुळे सध्या चिखलदरामधील सर्व धबधबे हे प्रवाहित झाले आहेत. सगळीकडे जमिनीने हिरवाईचा जणू काही शालूचं पांघरला आहे. त्यामुळे आता चिखलदरामध्ये पंधरा दिवसानंतर पुन्हा एकदा निसर्गप्रेमींची आणि पर्यटकांची गर्दी वाढली आहे. चिखलदऱ्यातील देवी, पॉइंट भीमकुंड पॉइंट सह विविध ठिकाणी पर्यटकांनी मोठ्या प्रमाणात गर्दी देखील केल्याचे चित्र पाहायला मिळत आहे.

Edited By : Krushnarav Sathe