राष्ट्रवादी काँग्रेसचे अध्यक्ष शरद पवार यांचे सोलापुरातील खंदे समर्थक अभिजित पाटील यांच्यावर पोलिसांनी गुन्हा दाखल केला आहे. राज्य सहकारी बँकेची कोट्यवधी रुपयांची फसवणूक केल्याचा आरोप त्यांच्यावर करण्यात आला आहे. अभिजित पाटील यांच्यावर गुन्हा दाखल होताच सोलापूर जिल्ह्यातील साखर कारखानदारीमध्ये मोठी खळबळ उडाली आहे. ('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
अभिजीत पाटील हे शरद पवार (Sharad Pawar) यांचे कट्टर समर्थन म्हणून ओळखले जातात. आगामी विधानसभा निवडणुकीत पंढरपूर मंगळवेढा मतदारसंघातून त्यांना उमेदवारी मिळण्याची शक्यता आहे. 2023 मध्ये विठ्ठल सहकारी साखर कारखान्याच्या निवडणुकीमध्ये अभिजीत पाटील यांचे पॅनल निवडून आले होते.
सध्या अभिजित पाटील पंढरपूरजवळच्या विठ्ठल सहकारी साखर कारखान्याचे अध्यक्ष आहेत. या कारखान्यातील पूर्वीच्या संचालक मंडळाने राज्य सहकारी बँकेकडून वेळोवेळी कर्ज घेतले होते. या कर्जाची रक्कम तब्बल साडेचारशे कोटींहून अधिक आहे. बँकेने वेळोवेळी नोटीस देऊन सुद्धा संचालक मंडळाने कर्जाची परतफेड केली नाही. (Latest Marathi News)
त्यामुळे राज्य सहकारी बँकेने थकीत रक्कम वसूल करण्यासाठी संचालक मंडळाविरोधात पोलिसांत तक्रार दाखल केली. बँकेच्या तक्रारीनुसार पंढरपूर शहर पोलिसांनी अभिजित पाटील यांच्यासह २० संचालकांवर फसवणुकीचा गुन्हा दाखल केला आहे.
अभिजित पाटील यांच्यावर गुन्हा दाखल होताच जिल्ह्यात मोठी खळबळ उडाली आहे. दरम्यान, राजकीय द्वेषा पोटी माझ्यावर आणि संचालक मंडळावर गुन्हा दाखल केला आहे, अशी प्रतिक्रिया विठ्ठल कारखान्याचे अध्यक्ष अभिजीत पाटील यांनी दिली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.