फैय्याज शेख 
शहापूर : शाळेत शिकणाऱ्या विद्यार्थ्यांमध्ये किरकोळ कारणावरून जोरदार राडा झाला. यात काही विद्यार्थ्यांनी एका विद्यार्थ्यांच्या डोक्यात गाडीच्या लोखंडी रोडने मारहाण केल्याने विद्यार्थी गंभीर जखमी झाला आहे. त्याला उपचारासाठी रुग्णालयात दाखल करण्यात आले आहे. 

शहापूर (Shahapur) तालुक्यातील खर्डी येथील हायस्कूलमधील हा धक्कादायक प्रकार घडला आहे. या शाळेतील बारावी आणि दहावीमध्ये शिक्षण घेणाऱ्या विद्यार्थ्यांमध्ये सुरवातीला वाद निर्माण झाला होता. मात्र आज दुपारी बारा वाजेच्या सुमारास शाळा सुटल्यानंतर शाळेच्या बाहेर या विद्यार्थ्यांमधील वादाचे रूपांतर भांडणात झाले. या (Crime News) भांडणात दहावीत शिकणाऱ्या एका विद्यार्थ्याने गाडीच्या लोखंडी शॉकपने बारावीत शिकणाऱ्या विद्यार्थ्याच्या डोक्यात जोरदार प्रहार केला.  

डोक्यात मर लागल्याने रक्तस्त्राव होऊ लागला. यामुळे तो विद्यार्थी गंभीर जखमी झाला होता. यानंतर त्याला तत्काळ खर्डी येथील रुग्णालयात उपचारासाठी दाखल करण्यात आले. दरम्यान खर्डी पोलिस (Police) ठाण्यात दहावीत शिकणाऱ्या विद्यार्थ्यांविरोधात गुन्हा दाखल करण्यात आला आहे. या घटनेनंतर गेल्या काही दिवसांपासून शाळाबाहेर गांजा व नशेची पावडरची विक्री केली जात असल्याची चर्चा होत आहे.