shahajibapu patil : रक्षाबंधन म्हटलं बहिण भावाच्या बंधनांचा सण...! बहिणीच्या रक्षणाची शपथ देऊन बहिण राखीचा धागा भावाच्या हातुन बांधते आणि सदैव माझ्या पाठीशी उभं रहाण्याचे वचन भावाकडुन घेते. या सणा निमित्त आज आमदार शहाजीबापू पाटील यांच्या वाड्यात माेठ्या उत्साहात रक्षाबंधन सण साजरा झाला. सुमारे चारशे महिलांनी शहाजीबापूंना राखी बांधली. बापूंनी त्यांना आशिर्वाद देत गिप्ट दिलं. (Raksha Bandhan 2022 Latest Marathi News)

आज रक्षाबंधन सण (raksha bandhan 2022 festival) देशभर साजरा होत आहे. काय झाडी फेम सांगोल्याचे आमदार शहाजीबापू पाटील यांच्या वाड्यात राखी बांधण्यासाठी महिलांची एकच गर्दी झाली हाेती. हा भावनिक क्षण अनुभवण्यासाठी पाटील कुटुंब उपस्थित होते.

आमदार शहाजीबापू पाटील यांच्या दोन बहिणींनी त्यांना चीक महुद मधील घरी येऊन राखी बांधली. यांनतर चीक महूद मधील महिलांनी आमदार पाटील यांना राखी बांधण्यासाठी गर्दी केली होती. जवळपास चारशे महिलांनी (women) आज चीक महुद मध्ये हा सण साजरा केला. यावेळी मायेची भेट म्हणून बापूंनी ओवाळणी म्हणून या बहिणींना साडी भेट दिली.

Edited By : Siddharth Latkar