Ashok Kharat sexual exploitation case police custody details : महिलांवर लैंगिक अत्याचार, जमीन हडपणे, धमकावणे या प्रकरणात भोंदू अशोक खरात याला ८ दिवसांची पोलीस कोठडी सुनावण्यात आली आहे. आता तो ८ एप्रिलपर्यंत पोलीस कोठडीत राहणार आहे. अशोक खरात याला आज कोर्टात ऑनलाइन हजर करण्यात आले, सुरक्षेच्या कारणास्तव एसआटीकडून कोर्टाकडे ऑनलाइन सुनावणी घेण्याची विनंती केली होती. कोर्टात सरकारी वकील आणि आरोपीच्या वकिलामध्ये जोरदार युक्तीवाद झाला. तुम्हाला काही बोलायचं आहे का? असं कोर्टानं विचारल्यानंतर अशोक खरात याने होत जोडून मला काहीही बोलायचं नाही, असे सांगितले.

अशोक खरातच मास्टरमाईंड, अजून तपास करायचाय?

अशोक खरात याने महिलांवर अत्याचार केले. त्यांच्या आई वडिलांना धमकावले. त्यांचे आधार कार्ड का घेतले? याचा तपास करायचा आहे. अशोक खरात औषधं काय वापरायचा हे तपासाचे आहे. आरोपी हा मास्टरमाईंट आहे, तो तपासात सहकार्य करत नाही. सात दिवसांची पोलिस कोठडी देण्यात यावी. लैंगिक शोषणाचा गुन्हा असल्याने विचार करून तपास कमी, चौकशी करायची आहे, असे सरकारी वकील शैलेंद्र बागडे म्हणाले.

अशोक खरात याने पीडितेवर वेळोवेळी बलात्कार केला. गर्भपात करण्यासाठी औषधे दिली, ती औषधे कुठून आणली? तसेच पीडितेला साडेबारा हजार रु देऊन एकास औषध देण्यास सांगितले होते. तिच्या आईवडिलांकडून आधारकार्ड घेतले होते, त्याचा उपयोग कुठे केला? आरोपी महिलांना पिण्यास पाणी देत असे, त्यात तो काय टाकत होता? याचा तपास करणे आवश्यक आहे, त्यामुळे पोलीस कोठडी द्यावी, असे शैलेंद्र बागडे म्हणाले.

पीडितेला गुंगीचे औषध देण्यात आले -

अशोक खरात याने पीडितेला आमिष दाखवून अत्याचार केला आहे. त्याने लग्नाचे आमिष दाखवल्याचा पीडितेचा आरोप आहे. तिला गोळ्या देण्यात आल्या, त्या गोळ्या कुठून आणल्या? पीडितेला गुंगीचे औषध देण्यात आले. ते औषध नेमके काय होतं याचा सखोल तपास करायचा आहे. पीडितेच्या आई वडिलांचे आधार कार्ड घेतले होते, त्याचा वापर कुठे केला? याचा तपास करायचा आहे.

सदर गुन्ह्याच्या संदर्भात सखोल चौकशी करायची आहे, यात अजून कोण सहभागी आहे का? आम्हाला चौकशी करायची आहे, म्हणून पोलिस कोठडी देण्यात यावी, अशी मागणी तपास अधिकारी किरण कुमार सूर्यवंशी यांनी केली.

अशोक खरातचे वकील काय म्हणाले ?

वकील पत्रावर सही करता आली नाही, व्हीसीद्वारे आरोपीला हजर करणार होते, याबाबत मला माहिती नव्हते. पहिले त्यांना पोलिस कोठडी देण्यात आलेली आहे. या चौदा दिवसांच्या पोलिस कोठडीत त्यांनी खुलासे केलेले आहेत. माझ्याकडे अजून एकही गुन्ह्याची फिर्याद आलेली नाही. मला एफआयआर वाचायला मिळालेली नाही. गर्भपात झाले असे म्हणतात मात्र त्याचा कालावधी काय होता? काही व्हिडिओ सोशल मीडियावर व्हायरल झाले आहेत, त्यावर गुन्हे दाखल झालेले आहेत, असे अशोक खरात याचे वकील सचिन भाटे यांनी युक्तीवाद केला.