- विनायक वंजारे

सिंधुदुर्ग : नगरविकास मंत्री तसेच शिवसेनेचे (shivsena) बंडखाेर नेते एकनाथ शिंदे (eknath shinde) यांच्या गटात माजी गृहराज्यमंत्री आमदार दिपक केसरकर (deepak kesarkar) हे शिंदे गटात नुकतेच सहभागी झाले आहेत. केसरकर यांच्या या भुमिकेचे आज (साेमवार) सावंतवाडीत शिवसैनिकांनी (shivsainik) निषेध नाेंदविला. दरम्यान आम्ही मुख्यमंत्री उद्धव (uddhav thackeray) ठाकरे यांच्या बाजूने पाठीशी ठाम असल्याचे कार्यकर्त्यांनी म्हटले. (deepak kesarkar latest marathi news)

शिवसैनिकांनी सावंतवाडीत (Sawantwadi) आज मुख्यमंत्री उद्धव ठाकरे आगे बढाे हम तुम्हारे साथ है... शिवसेना अंगार है...बाकी सब भंगार है... अशी घाेषणा देत मुख्यमंत्री उद्धव ठाकरे यांच्या समर्थनार्थ रॅली काढली. या (eknath shinde latest news) रॅलीत मोठया संख्येने शिवसैनिक सहभागी झाले होते. शिवसैनिकांनी हातात भगवे झेंडे फडकावून चाैका चाैकात घाेषणाबाजी केली.

ही रॅली दीपक केसरकर यांच्या घरासमोर येताच शिवसैनिकांचा जोर चढल्याचे दिसून आले. शिवसैनिकांनी केसरकरांच्या घरासमोर मोठया मोठयाने हाताने टाळ्या बडवत शिवसेना अंगार है...बाकी सब भंगार है अशा घाेषणा दिल्या. ही रॅली पुढे पुढे सरकत असताना शिवसैनिक जनतेस सेनेच्या पाठीशी राहण्याचे आवाहन करीत हाेते. या रॅलीत जिल्हाप्रमुख संजय पडते, संपर्क प्रमुख अरुण दुधवडकर, संदेश पारकर व जिल्ह्यातील नेते ,पदाधिकारी सहभागी झाले होते. यावेळी कोणताही अनुचित प्रकार घडू नये यासाठी केसरकर यांच्या घराबाहेर पोलीसांचा मोठा बंदोबस्त ठेवण्यात आला होता.

Edited By : Siddharth Latkar