- रणजीत माजगावकर

Kolhapur News : कोल्हापुरातील राजाराम सहकारी साखर कारखाना बहुमताच्या जोरावर खाजगी साखर कारखाना करा आणि तो तुमच्याच नावावर करा अशी टीका काँग्रेस आमदार सतेज पाटील यांनी माजी आमदार महादेवराव महाडिक यांच्यावर केली आहे. आमदार पाटील यांनी काेल्हापूरात माध्यमांशी संवाद साधताना राजारामच्या सभेविषयी देखील भाष्य केले. (Maharashtra News)

सतेज पाटील म्हणाले राजाराम सहकारी साखर कारखान्याचे कार्यक्षेत्र हे 6 तालुक्यांमध्ये पसरले आहे. साखर कारखान्याच्या होणाऱ्या वार्षिक सर्वसाधारण सभेची वेळ ही दुपारी एक वाजताची ठेवावी अशी सभासदांनी मागणी केलेली आहे.

सतेज पाटील (satej patil) म्हणाले कारखान्याच्या पोटनियमांमध्ये अनेक बदल केलेले आहेत. ज्या पोट नियमानुसार 1200 सभासद कमी झालेले आहेत, तोच पोटनियम पुन्हा येऊ लागलेला आहे. भाड्याने जमीन घेतली तरी या कारखान्याचा सभासद होता येतं अशी पद्धत या कारखान्यात सुरू झालेली आहे.

त्यामुळे हा कारखाना आता सहकार ऐवजी खाजगी कारखाना करा असं अशी टीका सतेज पाटील यांनी केली आहे. पोटनियमातील दुरुस्त्या पाहता हा कारखाना (rajaram sahakari sakhar karkhana) खाजगीकरणाकडेच वाटचाल करत असल्याचे दिसून येतं. कारण या कारखान्यामार्फत सांगलीतील 10 ते 12 गावांचा समावेश कोल्हापूर जिल्ह्यात असणाऱ्या या कारखान्यामध्ये करण्यात येत असल्याचा प्रयत्न सुरू आहे. हे सहकार कायद्यात कुठेही दिसून येत नाही असेही आमदार सतेज पाटील यांनी नमूद केले.

Edited By : Siddharth Latkar