सातारा : बेताल वक्तव्य करणाऱ्यांना सातारा पोलिस (satara police) खपवून घेणार नाही. या प्रकरणाच्या तपासाच्या दृष्टीने गुणरत्न सदावर्ते (gunratna sadavarte latest update) यांच्या पाेलीस काेठडीची मागणी करणार आहाेत असे शहर पोलिस निरीक्षक भगवान निंबाळकर यांनी माध्यमांशी बाेलताना स्पष्ट केले. (gunratna sadavarte latest marathi news)

मराठा आरक्षण (Maratha Reservation) प्रकरणी आक्षेपार्ह वक्तव्य केल्याचा आरोपात अटकेत असलेल्या वकील गुणरत्न सदावर्ते (gunaratna sadavarte) यांची आज (साेमवार) सातारा येथील पाेलीस काेठडी संपत आहे. यामुळे सदावर्ते यांना सातारा पाेलिस सातारा जिल्हा व सत्र न्यायालयात हजर करणार आहेत.

सदावर्ते यांना आज पाेलीस काेठडी मिळणार की न्यायालयीन काेठडी हे दुपारीच समजेल. दरम्यान ॲड. गुणरत्न सदावर्ते व ॲड. जयश्री पाटील यांची वकिली सनद रद्द करण्यासाठी मराठा क्रांती मोर्चाचे राज्य समन्वयक धनाजी साखळकर यांच्यावतीने बार कौन्सिल ऑफ महाराष्ट्र अँड गोवा यांच्याकडे तक्रार दाखल करण्यात आली आहे.

Edited By : Siddharth Latkar