सातारा : चॉकलेट घशात अडकल्याने एक वर्षाच्या मुलीचा दुर्दैवी मृत्यू (Death) झाल्याची घटना रविवारी रात्रीच्या सुमारास घडली. शर्वरी सुधीर जाधव असे त्या मुलीचे नाव आहे. (Maharashtra News)

कर्मवीरनगर, कोडोली (ता. सातारा) येथील शर्वरी सुधीर जाधव या एक वर्षीय मुलीला तिच्या शेजारी राहणाऱ्या एका लहान मुलीने जेली चॉकलेट खाण्यास दिले. तिने चॉकलेट तोंडात टाकल्यानंतर ते तिच्या घशात अडकल्याने ती खोकू लागली. यानंतर ती बेशुद्ध पडली.

रुग्णालयात नेले पण..

मुलीच्‍या घशात चॉकलेट अडकल्‍याचे तिच्या कुटुंबियांच्या लक्षात आले. यानंतर तिला तातडीने सातारा येथील जिल्हा रुग्णालयात (Hospital) दाखल करण्यात आले. मात्र उपचारापूर्वीच तिचा मृत्यू झाला होता.