सातारा : बाळासाहेब ठाकरे यांचे विचार सोडलेले नाहीत. विचार सर्व सोडणारे तुम्ही आहात. सत्तेसाठी आणि मुख्यमंत्री पदासाठी तुम्ही राष्ट्रवादी (NCP) आणि काँग्रेसच्या दावणीला बांधला गेला. त्यामुळे कोण कुणाचा भाडेकरी आहे; हे यातून स्पष्ट होतं असल्‍याची टीका संजय राऊत (Sanjay Raut) यांच्यावर मंत्री शंभूराज देसाई (Shambhuraj Desai) यांनी केली. (Latest marathi News)

संजय राऊत यांनी मंत्री शंभूराजे देसाई यांच्यावर केलेल्या टिके बाबत त्यांनी अजून सभा झाल्यानंतर पूर्ण बोलतो. उत्तर पत्रिका एकदाच देतात मी त्यांच्या सगळ्या सर्व प्रश्नांची उत्तरं उद्या देईन; असे मंत्री देसाई यांनी सातारा येथे आले असताना म्हणाले.

भोंगा वाजणे नवीन नाही

संजय राऊत यांच्याकडून कोणतं चांगलं विधान निघेल असं कधी होत नाही. नेहमी आपण सकाळचा भोंगा वाजतो, तसा काल सकाळी आज उद्यापण वाजेल हे (Satara) काही नवीन नाही. अडीच वर्षांपूर्वी आम्ही देखील राऊतांसोबत होतो. आम्ही एकत्र काम करतो. त्यावेळेस ते म्हणायचे हे आमचे शिवसैनिक आहेत वाघाचे बछडे आहेत. राऊत यांच्या सांगण्यावरूनच पक्षात काही उलटे निर्णय झाले. जे बाळासाहेब ठाकरे यांच्या विचाराशी निगडित नव्हते.

आम्‍ही आमची पातडी सोडणार नाही

बाळासाहेब ठाकरे आणि बाळासाहेब देसाई यांचे संबंध अत्यंत सलोख्याचे होते. आम्ही बाळासाहेब ठाकरे यांच्या विचारापासून कधीही बाजूला गेलो नाही. गेटवे ऑफ इंडिया या ठिकाणी असणारा छत्रपती शिवाजी महाराजांचा पुतळा उभारताना स्वर्गीय बाळासाहेब देसाई यांना स्वर्गीय बाळासाहेब ठाकरे यांची मदत झाली होती. याची जाणीव आमच्या परिवाराला आहे. राऊत हे एका वर्तमानपत्राचे संपादक आहेत. त्यांनी खालची पातळी सोडली तरी आम्ही आमची पातळी सोडणार नाही; असे मत मंत्री शंभूराज देसाई यांनी व्यक्त केले.